„ბარსელონას“ ყოფილმა დამრიგებელმა, რონალდ კუმანმა, ნიდერლანდების ნაკრების მთავარი მწვრთნელის პოსტზე, შესაძლოა, ლუი ვან გაალი შეცვალოს.
70 წლის ვან გაალს ეროვნულ გუნდთან კონტრაქტი მომავალი მონდიალის დამთავრების შემდეგ, ანუ 2022 წლის დეკემბერში ეწურება.
კუმანი, რომელსაც თავისი თანაშემწეების შეკრება უკვე დაუწყია, „ბარსელონადან“ გასულ ოქტომბერს დაითხოვეს, ცუდი შედეგების გამო.
ხოლო ნიდერლანდების ეროვნულ გუნდს ის უკვე თავკაცობდა 2018-20 წლებში. მისი ხელმძღვანელობით ნარინჯისფერები 2019 წლის ზაფხულში ერთა ლიგის ფინალში გავიდნენ, სადაც პორტუგალიის ნაკრებთან დამარცხდნენ (0:1). ლუი ვან გაალი კი ნიდერლანდების თავკაცად კუმანის ბარსელონაში მოულოდნელად წასვლის შემდეგ დანიშნეს.
