sarbieli

საბჭოთა საქართველოში რკინის ფარდის მიღმა ამბებს ნამცეცობით აგროვებდნენ. მხოლოდ ვიცოდით, რომ ოლიმპიადებისა და მსოფლიო ჩემპიონატების გარდა ოკეანისმიღმა კრივობდნენ შავი ბიჭები და ინტუიცია გვკარნახობდა – კრივი ის იყო, თუ იყო. მაიკლ ბერკოვიჩი ვირტუალური მწერალია (იგივე ალბერტ ხაჩატურიშვილი, იგივე აკა მორჩილაძე, ბოლოს და ბოლოს იგივე გიო ახვლედიანი), რომელმაც 90-იანი წლების ქართველ კრივის მოყვარულებს უზარმაზარი ინფორმაციული შიმშილი „სარბიელში“ პროფესიული კრივის შესახებ შექმნილი დახვეწილი წერილებით დაუოკა.