ვინ მოთვლის რამდენი ინტერვიუ გამოქვეყნებულა „სარბიელში“ 1990-2008 წლებში, როდესაც ის ტრადიციული გაზეთის სახით მიდიოდა მკითხველთან. იყო საუბრები ცნობილ თუ ნაკლებად ცნობილ ადამიანებთან; მათთან, ვინც ისტორია შექმნა და მათთან, ვინც მხოლოდ მომენტის გამო გახდა საზოგადოებისთვის საინტერესო. ყოფილა ვრცელი ინტერვიუ და ორ სამ კითხვიანი გასაუბრება. რაა დასამალი, ზოგი საუბარი საინტერესოდ წარმართულა, ზოგიც ისე, რა.
რუბრიკაში „ინტერვიუ“ ის პუბლიკაციები შევარჩიეთ, რომელთაც მიზეზთა გამო დრომ პეწი არ დაუკარგა. შეიძლება ეპოქა მართლაც შეიცვალა, მაგრამ განა დიეგო მარადონას, მიშელ პლატინის და მათი კალიბრის სპორტსმენების ნალაპარაკებს შეიძლება ყავლი გაუვიდეს?
