პარადოქსული ვითარებაა: იაპონიის ნომურას ინტიტუტმა დადო დასკვნა, რომ ოლიმპიადის არჩატარება ნაკლებ ზარალს მიაყენებს ქვეყანას, ვიდრე მისი ჩატარება საგანგებო რეჟიმის პირობებში.
თუ ოლიმპიადა ჩაიშლება, ზარალი დაახლოებით 17 მილიარდი დოლარი იქნება. მეორე ვარიანტი: თუ ხელისუფლება თამაშებზე ადგილობრივ მაყურებლებს არ დაუშვებს, შემოსავალი 1,3 მილიარდი დოლარით დაიკლებს და 15 მილიარდს ვერ ასცდება, ღონისძიებაზე დახარჯული თანხები კი გაცილებით მეტია.
„თამაშების გაუქმება ნაკლებად წამგებიანია, ვიდრე მისი ჩატარება საგანგებო რეჟიმის პირობებში. ეს შეფასებები იქიდან მომდინარეობს, რომ თამაშებზე მაყურებელთა დასწრება და მათი რაოდენობის შეზღუდვა პირველ რიგში ვირუსისგან დაცვის და არა ეკონომიკური ფაქტორებით უნდა იყოს ნაკარნახევი“, – ნათქვამია ნომურას ინსტიტუტის დასკვნაში.
