სამ ქვეყანაში დაწყებული ფუტსალის ევროპის ჩემპიონატი სლოვენიაში სრულდება, სადაც ორი ნახევარფინალური მატჩი გაიმართა. ფინალიც მოსალოდნელი მივიღეთ…
პირველად მოედანზე ესპანელები და ხორვატები გავიდნენ. „ფურია როხას“ უპირატესობა დიდი იყო და ორი ბურთით დაწინაურდნენ. ხორვატებმა ბოლოსკენ მაინც დაძაბეს და სამი წუთით ადრე ერთი ბურთი გაქვითეს. მეტიც, გათანაბრებაც შეეძლო, მაგრამ ხელსაყრელი ჯარიმიდან ბურთი ძელს გაარტყეს. საბოლოოდ, ესპანეთმა 2:1 მოიგო და ფინალში გასვლასაც უფრო იმსახურებდა.
მეორე ნახევარფინალში ფრანგებმა სწრაფი გოლი გაუტანეს პორტუგალიელებს, მაგრამ შემდეგ ხუთი მიიღეს. შესაბამისად, ფინალიც პირინეული გამოვა – ესპანეთი-პორტუგალია.
