ჩვენმა გუნდმა თბილისის ოლიმპიურ სასახლეში ლუქსემბურგი 3:2 (21:25; 31:29; 25:15; 22:25; 15:8) დაამარცხა. გამორჩეული შეხვედრა ჩაატარა საქართველოს ნაკრების ლიდერმა ანა კალანდაძემ, რომელმაც 28 ქულა მიითვალა და გამარჯვების მომტანი ქულა ეისით მოიპოვა. გუნდს 20 ქულა მაგდა კობაიძემ მოუტანა.
ისიც უნდა ვთქვათ, რომ ჩვენი ნაკრები უცნაური გუნდია.
პირველი მატჩი ისლანდიასთან 2:3 წააგო, მაგრამ უდავო ფავორიტი იყო და სამი ქულის ნაცვლად მხოლოდ ქულა აიღო; მეორე ტურში, ავსტრიასთან, მასპინძლები ცალსახა ფავორიტები იყვნენ, მაგრამ აქ უკვე ჩვებმა იძალეს, 3:2 მოიგეს და ორი ქულა ირგუნეს;
ლუქსემბურგთანაც, ექსპერტები ჩვენ გვთვლიდნენ ფავორიტებად, მაგრამ გაგვიჭირდა და მეხუთე სეტში მოვიგეთ, რამაც ისევ ორი ქულა მოგვიტანა და ახლა ხუთი ქულით მეოთხე ადგილზე ვართ.
ჩვენები მომდევნო მატჩს, 8 ივნისს, ისევ თბილისში, ლატვიის წინააღმდეგ ითამაშებენ. ბალტიისპირელებს ორიდან ორი მოგებით ექვსი ქულა აქვთ.
საქართველოს ქალ ფრენბურთელთა ნაკრებმა ევროპის ვერცხლის ლიგის მესამე ტურში მეორე გამარჯვება მოიპოვა, მაგრამ სულ ხუთი ქულა აქვს.
