ლეგენდარული ბრაზილიელი ფეხბურთელი, რონალდო, გასულ კვირადღეს, მეუღლესთან ერთად წმინდა იაკობის გზაზე დაიძრა. მანძილი ერთობ შთამბეჭდავია – 280 კილომეტრი.
წმინდა იაკობის გზა (El Camino de Santiago) მომლოცველთა გზა გახლავთ ესპანეთში. გალისიაში მდებარე სანტიაგო-დე-კომპოსტელას ტაძრისაკენ, სადაც ტრადიციის მიხედვით მოციქული იაკობ ზებედესია დაკრძალული. საქმე ის არის, რომ რონალდომ 2018 წელს, მაშინ დაბალი ლიგის საფეხბურთო კლუბ „ვალიადოლიდის“ აქციათა საკონტრლო პაკეტი შეიძინა და დაიქადნა: თუ „ვალიადოლიდი“ პრიმერა დივიზიონში გადავა, მომლოცველთა გზას გავივლიო. „ვალიადოლიდი“ ესპანეთის უმაღლეს ლიგაში დაბრუნდა და კიჭაც პირობას ასრულებს. ეგ არის, დაიჩივლა, ფეხები მტკივა და მეუღლესთან ერთად ამ გზას ველოსიპედით გავივლიო.
