ეს რა გავიგე, ჩაწყობილი ყოფილაო.- რა ყოფილა ჩაწყობილიო?
- მსოფლიო ჩემპიონატის ფინალი ჩაწყობილი ყოფილაო?
- ვინ თქვა?
- მთელმა შეგნებულმა ქართველობამ.
- ვის აუღია ფულიო?
- ბრაზილიისთვის უთქვამთ, ჩვენ უნდა მოგვცეთო, თორემ ყოფას გიტირებთო, რონალდო უარზე ყოფილა და ძალით ავად გაუხდიათ.
- სისულელეა.
- რატომ არის სისულელე, ბრაზილიის მომგები ვინ იყო?
- ჩამოთვლა მეზარება.
- ეგ კი არა, წინა შაბათს „რეალი“ – „ბარსაც“ ჩაწყობილი ყოფილა.
- ვინ თქვა?
- უბანში თქვეს გაგებულმა ბიჭებმა.
- აზრზე მოსული ბიჭები არიან?
- უაზრზემოსულესი.
- რით ასაბუთებენ?
- რაო და სონი ანდერსონმა რომ ბოლო გაიტანა, იერომ ფეხი არ დაუდოო.
- რო დაედო, პენალტს დანიშნავდნენ და იეროსაც გააგდებდნენ.
- მერე რაო? ერთი გაეგდოთ და გოლიც არ გავიდოდა.
- ესე იგი, ჩაწყობილი იყო, არა?
- რა იყო? არ გაგიგია, რომ აწყობენ?
- რას? მსოფლიოს ჩემპიონატის ფინალს?
- ყველაფერი ჩაწყობილი. ტოტალიზატორები ჩალიჩობენ.
- ესე იგი, ფეხბურთი აღარ არსებობს?
- არა… რატომ?
- თუ ყველაფერი ჩაწყობილია, ფეხბურთი სადღაა?
- ეგ კი აღარ ვიცი.
- უტვინო ყოფილხარ,
- რატომ მლანძღავ?
- ფეხბურთი სად არის?
- არ ვიცი. ალბათ, ჟურნალებში.
- უორლდ სოკერში და დონ ბალონში, არა?
- ჰო.
- და დანარჩენი ჩაწყობილია, არა?
- ჰო.
- და იტალიაში ვინ გახდება ჩემპიონი?
- არ ვიცი.
- როგორ არ იცი, ჩაწყობილი იქნება.
- არ ვიცი, უბანში არაფერი უთქვამთ.
- უბანში გაუზომიათ, ქურდსა ვკითხოთ იმას ეცოდინება.
- რატომ დამცინი?
- ამხელა სათვალე ტყუილად გიკეთია?
- სათვალე რა შუაშია?
- თელეთელ მკითხავს არაფერი უთქვამს?
- რა უნდა ეთქვა?
- რა ვიცი, ხომ ჩაწყობილია და ვკითხოთ იმასაცა.
- გალისიური გუნდები შეკრულები არიანო.
- ჰა-ჰა-ჰა, მოდი ეხლა ის მკითხე და დავამთავროთ.
- რა გკითხო?
- აი, გაზაზე რომ მეკითხები ხოლმე.
- გაზაზე რას გეკითხები?
- რა ვიცი, სისულელეებს.
- აწი აღარ გკითხავ.
- რატომ?
- ხოში აღარ არი. აწი სულ ჩაწყობებზე გკითხავ.
- და გაზა?
- გაზა კისლავოდსკშია წყლებზე.
- ხუმრობ?
- მაინც ყველაფერი ჩაწყობილია.
- რონალდოს ნემსი გაუკეთეს?
- მაშ… ტოტალიზატორებმა.
- შე საწყალო…
26.09.1998
