Tag: ხვიჩა კვარაცხელია

„პარი სენ ჟერმენი’’ ჩემპიონთა ლიგის ნოკაუტის ეტაპზე რომ მოხვდება ამას დიდი მარჩიელობა არ უნდა. ახლა გასარკვევია საფრანგეთის ჩემპიონი პირდაპირ მერვედფინალში გავა თუ ჯერ ფლეი ოფის ეტაპზე მოუწევს ბრძოლა. ასეა თუ ისე, ჯგუფური ეტაპის შეხვედრაში პარიზელებმა „ტოტენჰემ ჰოთსფურს’’ სანახაობრივ შეხვედრაში 5:3 მოუგეს, რაც 5 ტურში მათი მეოთხე გამარჯვება იყო. პსჟ „არსენალის’’ შემდეგ მეორე ადგილზეა. შეხვედრის მთავარი...

ხვიჩა კვარაცხელიამ, რომელიც მოედანზე თავს გაცილებით თავისუფლად გრძნობს ვიდრე მიკროფონების წინ, მოვალეობას თავი გაართვა და ჩემპიონთა ლიგის მეხუთე ტურში „ტოტენჰემ ჰოთსფურთან’’ მატჩამდე პრეს-კონფერენციაზე დასმულ კითხვებს უპასუხაო, წერს „პარიზიენი’’. მიმდინარე სეზონში ქართველი ევროპულ სარბიელზე კარგად თამაშობს, ორი გოლი შეაგდო. მან თქვა, რომ ფიზიკურად კარგ ფორმაშია და მის განვითარებაში ლუის ენრიკემ დიდი წვლილი შეიტანა. დიდი ხანი არ...

„პარი სენ ჟერმენმა’’ „ლე ავრს’’ 3:0 მოუგო. გოლები გაიტანეს კანგ-ინ ლიმ, ჟოაო ნევეშმა და ბრედლი ბარკოლამ ხვიჩა კვარაცხელიას პასით. ბარკოლა და კვარაცხელია თამაშში სათადარიგოთა სკამიდან ჩაერთნენ ― 35 და 25 წუთით. პარიზელთა გამარჯვებაში მნიშვნელოვანი როლი ითამაშა მეკარე ლუკა შევალიემაც, რომელიც ბევრი მიმომხილველის აზრით მატჩის საუკეთესო მოთამაშე იყო. „პარიზელების წინააღმდეგ ავტობუსს არ ჩავაყენებ’’, ― თქვა მატჩის...

ბოლო წლებში „ნაპოლის’’ დიდი წარმატებების ერთ-ერთი მთავარი არქიტექტორი უთუოდ არის კლუბის სკაუტინგის ხელმძღვანელი მაურიციო მიკელი, რომელმაც 2018 წლიდან მოყოლებული „აძურის’’ რამდენიმე საჭირო ფეხბურთელი უპოვა. მიკელი მერვე წელია რაც ვეზუვისქვეშეთში მუშაობს, მაგრამ თუ ფაბრიციო რომანო მართალს ამბობს, ის მალე „არსენალში’’ გადაბარგდება, სადაც სპორტული დირექტორის ანდრეა ბერტას ხელძღვანელობით იმუშავებს. ბერტა ლონდონში 30 მარტს გადავიდა, მანამდე ათი წელიწადი...

არ ცხრება ხმაური „ლიონისა’’ და „პარი სენ ჟერმენის’’ შეხვედრის გარშემო, რომელიც სტუმრებმა, პარიზელებმა 90+5 წუთზე გატანილი გოლის წყალობით 3:2 მოიგეს. დამარცხებულ „გონებს’’ მსაჯ ბენუა ბასტიენსა და VAR-თან სამ ეპიზოდთან დაკავშირებით აქვთ პრეტენზია. მათი აზრით 27-ე წუთზე ილია ზაბარნიმ თავის საჯარიმოში ხელით ითამაშა, რის გამოც პენალტი ეკუთვნოდათ; ვიტინიამ, 35-ე წუთზე ტანერ ტესმანს ბურთი წესის დარღვევით წაართვა,...

სტადიონზე 59000 ადამიანი იჯდა და მათგან მხოლოდ ოთხმა ვერ დაინახა წესის დარღვევაო, თქვა ნამატჩევს „ლიონის’’ განრისხებულმა ასისტენტმა მწვრთნელმა ჟორჟე მასიელმა. „მეორე გოლი უბრალოდ სკანდალური იყო. ნიკოს წინააღმდეგ უხეშობას კი პენალტი და წითელი ბარათი უნდა მოჰყოლოდა’’, ― თქვა მან. ლაპარაკია ხვიჩა კვარაცხელიას გოლსა და ნიკოლას ტალიაფიკოს ეპიზოდზე, როდესაც არგენტინელს კანგ-ინ ლიმ მაისურზე დაქაჩა, მან კი მაინც...

საფრანგეთის ლიგა 1-ში „ლიონისა“ და „პარი სენ-ჟერმენისა“ მატჩის 33-ე წუთზე ხვიჩა კვარაცხელიამ გოლი გაიტანა და პარიზელები 2:1 დააწინაურა. ეს ტოპ 5 ჩემპიონატში კვარას 33-ე გოლია, ამ მაჩვენებლით კი მან ალექსანდრე იაშვილსა და ლევან კობიაშვილს (32-32 გოლი) გადაასწრო და ტოპ 5 ჩემპიონატების საუკეთესო ქართველი ბომბარდირი გახდა.  

კვირას, საქართველოს დროით შუაღამეს 15 წუთი რომ დააკლდება ლიონში ფრანგული ლიგა 1-ის მნიშვნელოვანი მატჩია: მეექვსე ადგილზე მყოფი „ლიონი’’ ლიდერ „პარი სენ ჟერმენს’’ მასპინძლობს. გუნდებს შორის სხვაობა 4 ქულაა. პარიზელებს ტრავმების გამო აკლიათ აშრაფ ჰაკიმი, ოსმან დემბელე, ნუნუ მენდეში და დეზირე დუე. მათ პარასკევის ვარჯიშში მონაწილეობა არ მიუღიათ. „პარიზიენი’’ ხაზს უსვამს, რომ ერთდღიანი დასვენების შემდეგ ვარჯიშს...

„პარი სენ ჟერმენს’’ ცუდი საღამო ჰქონდა. „პარკ დე პრენსზე’’ ჩემპიონთა ლიგაში „ბაიერნთან’’ თამაშამდე ერთი კვირით ადრე საფრანგეთის ჩემპიონმა 1:1 ითამაშა მეთექვსმეტე ადგილზე მყოფ „ლორიანთან’’. ყველას ეგონა, რომ პარიზელები იოლად გაისეირნებდნენ, მაგრამ ლუის ენრიკეს მრისხანე გუნდმა ლიგა 1-ის ზედიზედ მეოთხე მატჩში მესამედ ითამაშა ფრედ. და კიდევ, პსჟ-მ დაკარგა დეზირე დუე, რომელიც დაშავდა და მოედნიდან თვალაცრემლებული გავიდა....

„პარი სენ ჟერმენმა’’ სტუმრად „ბრესტს’’ შთამბეჭდავად აჯობა – 3:0. ცხრა ტურის შემდეგ ხვიჩა კვარაცხელიას გუნდი 20 ქულით პირველ ადგილზე გადავიდა. მან გადაასწრო „მარსელს’’, რომელმაც ლანსში 1:2 წააგო. ლიდერის ცვლილებასთან დაკავშირებით „პარიზიენმა’’ გაიხსენა მარსელელთა და პარიზელთა შეხვედრა, რომელიც ზღვისპირელებმა შინ 1:0 მოიგეს და დაწერა, მაშინ სტუმრებს ბევრი ფეხბურთელი რომ არ ჰყოლოდათ დაშავებული, „მარსელს’’ მოგების შანსი არ...

„ქართველი გარემარბი რამდენიმე მკრთალი თამაშის შემდეგ კვლავ მთელი ბრწყინვალებით წარმოგვიდგა. ამ დღეს „ნაპოლის’’ ყოფილი ფეხბურთელი იყო მძლავრი და შთაგონებული. მან ჯერ დეზირე დუეს მიაწოდა საგოლე პასი, შემდეგ კი თავად გაიტანა გოლი, რომლის დროსაც ბურთი ორივე ძელს მოხვდა. მისმა ტექნიკამ გერმანული გუნდის დაცვა დინამიტივით ააფეთქა’’, ― დაწერა „პარი სენ ჟერმენის’’ მიერ „ლევერკუზენის’’ 7:2 ძლევის შემდეგ ფრანგულმა...

Footmercato-ს მიაჩნია, რომ ფრანგული ფეხბურთის უმაღლეს საფეხურზე, ლიგა 1-ში იშვიათია შეხვედრა, რომელშიც გადის ბევრი გოლი და გუნდები სპექტაკლს აწყობენ. ასეთი გამოდგა მე-8 ტურის შეხვედრა „პარი სენ ჟერმენსა’’ და „სტრასბურგს’’ შორის ― 3:3. პორტალმა დათვალა, რომ შეცვლებამდე მოედანზე გასული ფეხბურთელების საშუალო ასაკი 22 წელი და 78 დღე იყო. ახალგაზრდების ასეთი თავყრილობა საფრანგეთის ჩემპიონატის შეხვედრაში 1947-48 წლების...

პარასკევს „პარი სენ ჟერმენმა’’ წვიმაში ივარჯიშა. წინა დღეს ბარსელონაში (2:1) გამარჯვებულ შემადგენლობას დასვენების დღე ჰქონდა. ვარჯიში ჩატარდა პრინციპით „ა ლა კარტ’’ ანუ ვინ როგორ ― ზოგი მკურნალობდა, ზოგი დარბაზში ვარჯიშობდა და ზოგიც მოედანზე იყო. პსჟ კვირას ლილში თამაშობს. „ლილი’’ ის გუნდია, რომელმაც შუა კვირაში პარიზელთა მსგავსად ევროთასზე გამოიჩინა თავი – „რომას’’ მოუგო 1:0. გავიხსენოთ პარიზელთა...

ჩემპიონთა ლიგაში „ბარსელონასა’’ და „პარი სენ ჟერმენის’’ დაპირისპირებამდე ერთი დღეღა დარჩა. პარიზელებს ბევრი დაშავებული ფეხბურთელი ჰყავთ, რომელთა შორისაა ხვიჩა კვარაცხელია. ბოლო ინფორმაცია, რომელიც ქართველი გარემარბის შესახებ ფრანგულ მედიაში დაიწერა შედარებით ოპტიმისტურია: კვარაცხელიას თამაში ჯერჯერობით კვლავ ეჭვქვეშაა. გარემარბმა, რომელიც შაბათს „ოსერთან’’ შეხვედრაში პირველი ტაიმის შემდეგ შეცვალეს, ორშაბათს თანაგუნდელებთან ერთად ვერ ივარჯიშა, მაგრამ მედპერსონალის გადაწყვეტილებით ის ესპანეთში...

„პარი სენ ჟერმენი’’ ოთხშაბათს „ბარსელონას’’ სტუმრობს, დაშავებულ ფეხბურთელთა სია კი შემაშფოთებლად გრძელი აქვს. მედიკოსთა მეთვალყურეობის ქვეშ მყოფ მარკინიოსს, ოსმან დემბელეს, დეზირე დუეს, ჟოაო ნევეშსა და ფაბიან რუისს „ოსერთან’’ შეხვედრის პირველსავე ტაიმში ვიტინია და ხვიჩა კვარაცხელია დაემატნენ. არადა, პარიზელთა ესპანელმა მწვრთნელმა ლუის ენრიკემ სიფრთხილის უკიდურესი ზომები მიიღო და ხსენებულ შეხვედრაში სასტარტო შემადგენლობაში არ დააყენა აშრაფ ჰაკიმი,...

„პარი სენ ჟერმენი’’ „ოსერს’’ შინ რომ მოუგებდა, ყველამ იცოდა. საქმე სხვა რამ იყო. ეს ისე უნდა გაეკეთებინა, რომ მის დაშავებულ ფეხბურთელთა სიას არავინ შემატებოდა და სწორედ ეს ვერ მოახერხა. 35-ე წუთზე ვიტინიამ დატოვა მოედანი, შესვენების შემდეგ კი ხვიჩა კვარაცხელია ვეღარ ვნახეთ თანაგუნდელთა შორის. პირველი ტაიმის ბოლოს ქართველს ეტყობოდა, რომ რაღაც (სავარაუდოდ მარცხენა ბარძაყის ზედა ნაწილი)...

„მარსელს’’ „პარი სენ ჟერმენისთვის’’ შინ ბოლოს 2011 წლის 27 ნოემბერს ჰქონდა მოგებული – 3:0. და აი, ფაქტობრივად 14 წლის შემდეგ მასპინძლებმა „ველოდრომზე’’ წვიმის გამო ერთი დღით გადადებულ „ლე კლასიკში’’ ისევ გაიმარჯვეს. „მარსელმა’’ პარიზელებს აჯობეს. სანამ ოსმან დემბელე საფრანგეთის დედაქალაქში მსოფლიოს საუკეთესო ფეხბურთელის ჯილდოს ელოდა, მისი თანაგუნდელები კალაპოტიდან ამოვარდნილები ჩანდნენ და მე-5 წუთზე მეკარე ლუკა შევალიეს...

პარიზის შატლის თეატრში 2024-25 წლების სეზონის საუკეთესო ფეხბურთელის, „ოქროს ბურთის“ მფლობელის ვინაობა რონალდინიომ გამოაცხადა და… უსმან დემბელე თქვა მან… გასული სეზონში დემბელეს, ანუ პსჟ-ს მოგებულ ტიტულებზე აღარ მოვყვებით, მხოლოდ გეტყვით, რომ ყველა ტურნირზე მან 35 გოლი გაიტანა. „ფრანს ფუტბოლმა“ გამარჯვებულის სახელი ისე გულმოდგინედ შეინახა, დიდი ბრაზილიელის სიტყვებამდე დაბეჯითებით ვერავინ თქვა, ვინ მიიღებდა ამ ძვირფასს ჯილდოს. თავად რონალდინიომაც,...

სულ რამდენიმე წუთის წინ ფრანს ფუტბოლმა ოქროს ბურთზე ნომინირებული ფეხბურთელების გამოცხადება დაიწყო და ვიდრე ოფიციალური ცერემონიალი დაიწყება ცნობილი გახდა, რომ ხვიჩა კვარაცხელია მე-12 ადგილზე დასახელდა! მისი თანაგუნდელებიდან – ფაბიან რუიზი 24-ე არის, ჟოაო ნევეში მე-19, დეზირე დუე მე-14… უცილებლად ვთქვათ, რომ ხვიჩა კვარაცხელია ნომინანტთა შორის შარშაწინაც იყო და მაშინ მას მე-17 ადგილი ერგო. შეგახსენებთ, საქართველოდან...

დღეს პარიზი „ოქროს ბურთის“ დაჯილდოების ცერემონიალს მასპინძლობს. მსოფლიოს საუკეთესო მოთამაშის პრიზზე უკვე მეორედაა ნომინირებული საქართველოს საუკეთესო ფეხბურთელი ხვიჩა კვარაცხელია. რას გადააწყდებით მანჰეტენზე კვარტლებში, მილანში კიბეებზე, მოსკოვში ფიცარნაგებსა და პარიზში ქვაფენილზეო, თუ გვკითხეს, ვიცოდეთ, პასუხი თეატრია: ბროდვეი, ლა სკალა, ნა დოსკახ… მაგრამ პარიზი სხვაა, ის ხომ სიყვარულის გარდა თეატრების ქალაქიცაა – პალე როიალი, ოპერა გარნიე, კომედი...

„ბედნიერები ვართ, რომ „ატალანტას’’ მოვუგეთ. კარგად ვიცოდით, რომ მათ ძლიერი გუნდი ჰყავდათ, მაგრამ ვფიქრობ ეს ჩვენი დღე იყო. ბურთს ბევრი წუთის განმავლობაში ვაკონტროლებდით. ვცადეთ ჩვენი ფეხბურთი გვეთამაშა და გაგვიმართლა. მატჩის საუკეთესო მოთამაშედ დასახელება შესანიშნავია, მაგრამ მთავარი გუნდის გამარჯვებაა. მთელმა გუნდმა ითამაშა დიდებულად. ეს დღე ყველასთვის ჩინებული იყო’’, ― თქვა „პარი სენ ჟერმენისა’’ და „ატალანტას’’ შეხვედრის...

ჩემპიონთა ლიგის პირველ ტურში „პარი სენ-ჟერმენი“ საკუთარ მოედანზე „ატალანტას“ მასპინძლობს. პირველი ტაიმის მერე პარიზელები მეტოქეს 2:0 ამარცხებენ. ანაგრიში ამ შეხვედრაში მარკინიოსმა გახსნა, პირველი ტაიმის ბოლოს კი ხვიჩა კვარაცხელიამ შესანიშნავი გოლით ანგარიში ორამდე გაზარდა.

„პარი სენ ჟერმენი’’ მოგებებს, ხოლო მისი დაშავებული ფეხბურთელების სია ზრდას განაგრძობენო, წერს „პარიზიენი’’. ოსმან დემბელესა და დეზირე დუეს რამდენიმეკვირიანი მკურნალობა უწევთ, მაგრამ ნავსიანი პერიოდი გრძელდება: „ლანსთან’’ 2:0 მოგებულ შეხვედრაში (მე-15 და 51-ე წუთებზე ბარკოლა) პარიზელებს კიდევ სამი მოთამაშის ჯანმრთელობის პრობლემა დაემატათ. პირველი გახლავთ ხვიჩა კვარაცხელია, რომელსაც მეტოქემ ფეხზე ქაცვების ნაკვალევი დააჩნია და 30-ე წუთისთვის მოედნის...

„პარი სენ ჟერმენს’’ კარგი დღე ჰქონდა ― ნანტში ვიტინიას გოლით 1:0 მოიგო. პირველ ტურში ლიგა 1-ის წამყვანი გუნდებიდან მხოლოდ „მარსელმა’’ წააგო. ის სტუმრად „რენთან’’ თამაშობდა. „პარიზიენი’’ წერს, რომ ერთ კვირაში ლუის ენრიკეს გუნდი შეცვლაზე შესულმა ფეხბურთელებმა უკვე მეორედ გადაარჩინეს. მართალია გოლის ავტორი ვიტინია თავიდანვე მინდორზე იყო, მაგრამ პსჟ მანამ ვერ გამოფხიზლდა, სანამ საქმეში ჯირითადი შემადგენლობის...

პირველი მატჩი და პირველი ტიტლული! ისე, რომ ერთი ამხანაგურიც არ ჰქონდა ნათამაშევი, „პარი სენ ჟერმენმა’’უეფას სუპერთასი მოიგო. მისი და „ტოტენჰემ ჰოთსფურის’’ შეხვედრაში თავიდან ლონდონელები დაწინაურდნენ (2:0), მაგრამ პარიზელებმა ბოლო 10 წუთში ორი გოლი შეაგდეს და შემდეგ პენალტებშიც იმარჯვეს. ლუის ენრიკეს გუნდმა, რომელსაც ახალი სეზონისთვის მზადება ერთი კვირის დაწყებული აქვს, ერთი თვის ნავარჯიშებ მეტოქესთან შეხვედრაში უამრავი...

„პარიზიენი’’ წერს: „პარი სენ ჟერმენი’’ გალაქტიკის მცველი ვერ გახდა. ის ადამიანთა გუნდად დარჩა, მაგრამ ღრუბელზე შეინარჩუნა ადგილი ― ჩემპიონთა ლიგის 2025 წლის გამარჯვებულია, რაც მთავარ მოვლენად რჩება. გუნდმა კლუბთა მსოფლიოს ჩემპიონატის ფინალი ყველა პარამეტრით წააგო. ის თავად ჩააგდეს ისეთ საცოდავ დღეში, როგორშიც 31 მაისიდან, „ინტერთან’’ ჩემპიონთა ლიგის ფინალში 5:0 გამარჯვების იმერე თვითონ აგდებდა მოწინააღმდეგეებს. ბოლოს,...

„პარი სენ ჟერმენმა’’ მეოთხედფინალში „ბაიერნის’’ 2:0 დამარცხების შემდეგ ნახევარფინალში „რეალს’’ 4:0 მოუგო და ეს ძალიან ადვილად გააკეთა. ლუის ენრიკეს ლაშქარი ფინალში „ჩელსის’’ ხვდება. თუ გაიმარჯვებს სეზონის ბოლო, მეხუთე ტიტულსაც მოიპოვებს. პარიზელებმა პირველი ტაიმი ჩინებულად ჩაატარეს, „რეალზე’’ ზეწოლა განახორციელეს და ათ წუთში მთელს მსოფლიოს ცხადად აჩვენეს, თუ რით, როგორ სჯობიან ყველას 2025 წელს. ჯერ იყო და...

პორტუგალიელი რენატო ოლივე 55 წლის ვეტერანია, რომელიც 2003-04 წლებში „ნაპოლიში’’ თამაშობდა. როგორც თითქმის ყველას, ვისაც კლუბთან შეხება ჰქონია, ნეაპოლურმა საიტებმა მას გუნდის დღევანდელ მდგომარეობაზე ჰკითხეს. ოლივემ Napoli Magazine Live-თან ინტერვიუში ბევრი საკითხი მიმოიხილა და ისე როგორ იქნებოდა ხვიჩა კვარაცხელია რომ არ ეხსენებინა. ბოლო ხანს ნეაპოლის მედია და „აძურისთან’’ დაკავშირებული ხალხი ახალი კვარაცხელიას ძიებაში არიან. ხან...

„პარი სენ ჟერმენს’’ „ინტერ მაიამისთან’’ პირველი ტაიმი ეყო ― როდესაც გუნდები შესვენებაზე გავიდნენ, ტაბლოზე უკვე 4:0 ეწერა. მეორე ნახევარში აღარაფერი მომხდარა. მეოთხედფინალში საფრანგეთის ჩემპიონი „ბაიერნს’’ შეხვდება. მიუხედავად იმისა, რომ ამერიკელთა გუნდში ლეო მესი და რამდენიმე სხვა მქუხარე სახელი თამაშობდა, პარიზელებს სიმძლავრეების ბოლომდე ჩართვა არ დასჭირვებიათ. გილები გაიტანეს ჟოაო ნევეშმა (6;39), ტომას ავილესმა (44 თავის კარში)...

„პარი სენ ჟერმენმა’’ კლუბთა მსოფლიოს ჩემპიონატის ჯგუფური ეტაპის ბოლო შეხვედრაში „სიეტლ საუნდერსს’’ 2:0 მოუგო. პარალელურად მადრიდის „ატლეტიკომ’’ „ბოტაფოგოს’’ 1:0 სძლია. შედეგად B ჯგუფში სამმა გუნდმა 6 ქულა დააგროვა და გოლების უკეთესი სხვაობის მიხედვით ადგილები ასე განაწილდა: პირველზე – პსჟ, მეორეზე – „ბოტაფოგო’’, მესამეზე – „ატლეტიკო’’ და მეოთხეზე – „სიეტლი’’. იმავე საღამოს ანუ საქართველოში გამთენიისას გაიმართა...

ვიტინიამ კარისკენ დაარტყა, ხვიჩა კვარაცხელიას ბურთი ბეჭზე მოხვდა და… ასე დაწინაურდა პსჟ სიეტლთან საკლუბო მსოფლიო ჩემპიონატის ჯგუფური ეტაპის ბოლო შეხვედრაში. გოლი, ცხადია, ხვიჩას ანგარიშზე ჩაიწერა, ჩვენ კი შეგვიძლია ვთქვათ, რომ ამ დიდ საფეხბურთო ფორუმზე პირველი ქართული გოლი ვნახეთ. ცოტა კურიოზული, მაგრამ მაინც ჩვენი…  

„პარი სენ ჟერმენს’’ „ბოტაფოგოსთან’’ რომ მოეგო მერვედფინალში დაიბევებდა ადგილს, ახლა კი ორშაბათს „სიეტლთან’’ უნდა გაიმარჯვოს რათა… არ გავარდეს. არადა, სამხრეთ ამერიკულ კლუბებს შორის ერთ-ერთ უძლიერესს (თუ უძლიერესს არა) პსჟ მთელი შეხვედრის განმავლობაში სჯობდა, მაგრამ 0:1 წააგო. აღსანიშნავია, რომ პარიზელებს 3 მაისის შემდეგ არ წაეგოთ. მაისის დასაწყისში ლუის ენრიკეს გუნდი სტრასბურში დამარცხდა. „ბოტაფოგოსთან’’ საფრანგეთის ჩემპიონი ბურთს...

ჩემპიონთა ლიგის გამარჯვებული „პარი სენ ჟერმენი’’ ამ ეტაპზე ყველას რომ აღემატება ეს კლუბთა მსოფლიოს ჩემპიონატის პირველ ტურში დამტკიცდა, სადაც „პარი სენ ჟერმენმა’’ B ჯგუფის შეხვედრაში „ატლეტიკოს’’ მარტივად მოუგო 4:0. „ინტერის’’ 5:0 ძლევის შემდეგ ეს იყო პარიზელთა პირველი მატჩი. გოლები გაიტანეს ფაბიან რუისმა, ვიტინიამ, სენი მაიულუმ და კან-ინ ლიმ პენალტით. ხვიჩა კვარაცხელიამ პირველი ორი გოლის ავტორებს...

საფრანგეთის ლიგა 1-ის ოფიციალურ ვებ-გვერდზე დასრულდა გამოკითხვა, რომელსაც სეზონის საუკეთესო გოლი უნდა გამოევლინა. გამოკითხავში სულ რვა კანდიდატი მონაწილეობდა, რომელთაგან სამი ქართველი იყო – ზურიკო დავითაშვილი, ხვიჩა კვარაცხელია და გიორგი მიქაუტაძე. გამარჯვებულად ზურიკო დავითაშვილის მიერ „ოსერთან“ კარში შეგდებული ბურთი დასახელდა.                                ...

ხვიჩა კვარაცხელია, რომელმაც საფრანგეთის თასის ფინალი შაკიკის გამო გააცდინა, სამშაბათ შუადღისას, „ინტერთან’’ თამაშამდე ოთხი დღით ადრე ვარჯიშს დაუბრუნდა. „პარი სენ ჟერმენის’’ მიერ „რეიმსის’’ 3:0 დამარცხებიდან ორდღენახევრის შემდეგ პსჟ პუასის ბაზაზე შეიკრიბა და ჩემპიონთა ლიგის ფინალისთვის საბოლოო მზადება დაიწყო. შეხვედრა შაბათს, 31 მაისს მიუნხენში, საქართველოს დროით 23 საათზე დაიწყება. პრესის აზრით, სამშაბათის ვარჯიში საყურადღებო იმით იყო,...

„ოსერმა’’ ანგარიში გახსნა, რის გამოც საფრანგეთის ჩემპიონს ერთსაათიანი ჩამორჩენა ჰქონდა, შემდეგ კი სიჩქარე გადართო და სეზონის ბოლო ორი შეხვედრის წინ ჩემპიონატი გამარჯვებით დაასრულა. პსჟ-ს ფეხბურთელები ასეთ სცენარს ცხადია არ ელოდნენ და ვერ წარმოედგინათ, რომ ჩამორჩენის შემოტრიალება მოუწევდათ. თითქოს საჩემპიონო კამპანიის ემოციით გამდიდრება, „პარკ დე პრენსზე’’ შეკრებილი 48 გულშემატკივრის შეუვალი მხარდაჭერის შემოწმება და მწვთნელის სიმშვიდის გამოცდა...

საფრანგეთის ლიგა 1-ის ბოლო ტურში „პარი სენ-ჟერმენმა“ საკუთარ მოედანზე „ოსერთან“ პირველი ტაიმი 0:1 წააგო. მეორე ტაიმში ხვიჩა კვარაცხელიამ შორეული დარტყმით ჯერ ანგარიში გაათანაბრა, მატჩის ბოლოს კი ფრანგულ კარიერაში პირველი დუბლი შეასრულა და საბოლოოდ, პსჟ-მა 3:1 მოიგო, ხვიჩა კვარაცხელიას კი ანალიტიკურმა ვებგვერდმა Sofascore-მა უმაღლესი შეფასება, 10.0 დაუწერა.  

„პარი სენ ჟერმენმა’’ ჩემპიონთა ლიგის პირველ ნახევარფინალურ შეხვედრაში ლონდონში „არსენალი’’ დაამარცხა 1:0. მატჩის ერთადერთი გოლი მე-4 წუთზე ხვიჩა კვარაცხელიას პასით ოსმან დემბელემ გაიტანა. კვარა შეხვედრის დასაწყისში შეტევაში მწვავედ თამაშობდა და სავარაუდოდ, გოლიდან ერთი ხნის შემდეგ მისი წაქცევისთვის პენალტიც უნდა დანიშნულიყო, მაგრამ მსაჯმა სხვანაირად გადაწყვიტა. თანადათან ინიციატივა მასპინძლების ხელში გადავიდა და ხვიჩასაც დაცვაში მოუწია ნაკლებად ვარსკვლავური,...

„პარი სენ ჟერმენის’’ დაუმარცხებელი სეზონი არ შედგა. როგორც „პარიზიენი’’ წერს გუნდის მიმართ ეჭვები გაჩნდა, თან ყველაზე ცუდ მომენტში. ლუის ენრიკეს ფეხბურთელები არ ელოდნენ, რომ 25 აპრილს „პარკ დე პრენსს’’ ამდენი პრობლემით დამძიმებულები დატოვებდნენ. ეს იყო მეორე მარცხი ჩემპიონთა ლიგის მეოთხედფინალში „ასტონ ვილასთან’’ 2:3-ის შემდეგ ― ოთხი თამაშიდან ორი წაგება. დანარჩენი ორი შეხვედრა, რომელიც საფრანგეთის დედაქალაქის...

პეი დე ლა ლუარის დედაქალაქ ნანტში „არსენალთან’’ ჩემპიონთა ლიგის ნახევარფინალურ მატჩამდე ერთი კვირით ადრე „პარი სენ ჟერმენმა’’ გადადებული შეხვედრა ნაპერწკლის გარეშე ჩაატარა. ყველაფერი წინასწარ ჩანიშნული პუნქტების შესაბამისად წარიმართა: თამაში ფრედ დამთავრდა (1:1) ანუ გუნდი კვლავ წაუგებელია, არავინ დაშავებულა, როტაციის წყალობით ისეთმა ფეხბურთელებმა, როგორებიც არიან დემბელე და ნუნუ მენდეში მთელი საათი, ხოლო კვარაცხელიამ 71 წუთი დაყვეს...

ამბობენ, რომ „ნაპოლი’’ ფეხბურთის კლუბზე მეტია. იმასაც ამბობენ, რომ ფეხბურთელი რომელიც ერთხელ მაინც ითამაშებს „ნაპოლიში’’ სამუდამოდ ნეაპოლელად დარჩება. და „აძური’’ 2026 წელს ასი წლის იუბილეს აღნიშნავს. ამიტომაც მოხშირდა წარსულთან ხიდების გადება. კვირას„მარადონაზე’’ ალემაო, კარეკა და ესეკიელ ლავეცი ჰყავდათ მიწვეული. ამის შესახებ „ილ მატინოს’’ დღევანდელი გამოშვება ასე წერს: „ეს სამი ვარსკვლავი „ნაპოლის ლეგენდათა’’ ასოციაციის წევრია. ასოციაცია...

„პარი სენ ჟერმენის’’ ფეხბურთელებს დასვენება არ აქვთ. სამშაბათს მათ საფრანგეთის თასის ნახევარფინალში სტუმრად მოუგეს „დიუნკერკს’’ (4:2), მეორე საღამოს კი საგანგებო ვარჯიში ჰქონდათ რომელიც აღდგენისგან, დარბაზისა და ბურთით ბევრი მუშაობისგან შედგებოდა. ქართველი გულშემატკივრისთვის სასიამოვნოა ის ცნობა, რომ გუნდთან ერთად ივარჯიშა ხვიჩა კვარაცხელიამაც, რომელიც წინა დღეს ავად იყო. კვარაცხელიას მსგავსად ავად იყო და გამოჯანმრთელდა იბრაჰიმ მბაეც. ქართველ...

„პარიზიენი’’ წერს, რომ საფრანგეთის თასის ნახევარფინალში „დუნკრეკთან’’ სტუმრად 4:2 გამარჯვების შემდეგ ხვიჩა კვარაცხელიას „პარი სენ ჟერმენი’’ ისტორიაში ახალი ფურცლის ჩასაწერად ემზადება: ფინალში 24 მაისს „სტად დე ფრანსზე’’ „კანსა’’ და „რენს’’ შორის გამარჯვებულს შეხვდება, თუმცა სტატისტიკოსები უკვე მიღწეულ შედეგებსაც დიდი ენთუზიაზმით გვახსენებენ. …„დუნკერკთან’’ გამარჯვების შედეგად „პარი სენ ჟერმენი’’ ოცდამეერთედ გავიდა საფრანგეთის თასის ფინალში. ფინალების რაოდენობით მეორე...

„პარი სენ ჟერმენს’’ რომ საფრანგეთის ჩემპიონობამდე აღარაფერი უკლია, ყველამ იცის. 2025 წელს ეროვნულ ასპარეზზე ლუის ენრიკეს გუნდმა 15 შეხვედრიდან 14 მოიგო (მხოლოდ „რეიმსთან’’ ითამაშა 1:1) და როგორც ჩანს ამ რიხიან სვლას დღეს საფრანგეთის თასზე ლილში „დუნკერკთან’’ შეხვედრაშიც გააგრძელებს. „დუნკერკი’’ ლიგა 2-ში მე-5 ადგილზეა. გამარჯვებული ანუ „პარი სენ ჟერმენი’’ ფინალში გავა, სადაც 24 მაისს „კანსა’’ და...

სანაკრებო პაუზის შემდეგ საფრანგეთის ლიგა 1-ში ზურიკო დავითაშვილის „სენტ ეტიენი“ ხვიჩა კვარაცხელიას პსჟ-ს მასპინძლობს. მასპინძელთა ქართველი გუნდს საგოლე პასით შეეწია, სტუმართა ქართველმა კი 1:1-ზე მისი გუნდი მოხდენილი გუნდით დააწინაურა. მე-60 წუთზე ანგარიში უკვე 1:4 იყო, როცა ორივე ქართველი თითქმის ერთდროულად შეცვალეს.  

„პარი სენ ჟერმენის’’ გულშემატკივრები სენტ ეტიენში თამაშს ვერ დაესწრებიან, აუკრძალეს. 27-ე ტურის მატჩი შაბათს 29 მარტს საქართველოს დროით 22 საათზე გაიმართება. ლუარის პრეფექტურა ორშაბათის გადაწყვეტილებას იმით ასაბურთებს, შეხვედრამ შეიძლება საზოგადოებრივი წესრიგის დარღვევა გამოიწვიოს, რადგან პსჟ-სა და „სენტ ეტიენის’’ ქომაგებს ერთმანეთი დიდი ხანია სძულთ. დოკუმენტში 2015 წლის იანვარში მომხდარი ექსცესებია ჩამოთვლილი. დადგენილება იმითაც არის საინტერესო, რომ...

ვეტერანმა ფეხბურთელმა და სპორტულმა დირექტორმა ვალტერ საბატინიმ Radio Marte-ს ეთერით იტალიაში სკუდეტოსთვის ბრძოლაზე, „ნაპოლისა’’ და „სკუადრა აძურას’’ შესახებ ილაპარაკა. მოვიყვანთ მის ციტატებს: …„ნაპოლის’’ ჯერ კიდევ რეალურად შეუძლია მოიგოს სკუდეტო. ჩემპიონატის დასასრულამდე ბევრი ტურია, თუმცა შეცდომების დაშვების ფუფუნება ფაქტობრივად აღარვის აქვს. გუნდი კარგად თამაშობს. მას ჩინებულად ხელმძღვანელობს ანტონიო კონტე, რომელიც ყოველ ფეხის დაცდენაზე სწორად რეაგირებს. მე...

ხვიჩა კვარაცხელიას ყოფილი გუნდი „ნაპოლი’’ სანაკრებო კვირის შემდეგ „მილანს’’ უნდა შეხვდეს. თამაში ნეაპოლში, „მარადონაზე’’ გაიმართება. „პარტენოპეელთა’’ გულშემატკივრებს იმედი აქვთ, რომ ეს მატჩი მათი გუნდისთვის სკუდეტოსთვის ბრძოლის ბოლო ძლიერი ფაზის დასაწყისი გახდება. მათ განსაკუთრებით ბრაზილიელი გარემარბის დავიდ ნერეშის იმედი აქვთ, რომელმაც კუნთის ტრავმის გამო ხუთი თამაში გამოტოვა. „კორიერე დელო სპორტი’’ წერს, რომ ნერეშმა მიმდინარე სეზონში უკვე...

კარგი თამაშის მიუხედავად „მარსელმა’’ „პარი სენ ჟერმენთან’’ ფრანგული კლასიკო წააგო: 1:3. მატჩის შემდეგ სტუმართა მწვრთნელმა რობერტო დე ძერბიმ თქვა: „თქვენ ამას კლასიკოს ეძახით, მაგრამ გუნდების შედარება კლუბების ეკონომიკური სიძლიერიდან გამომდინარე შეუძლებელია. კლასიკო ისაა, როდესაც ორი მხარე ერთმანეთს ებრძვის, ერთი რომ დარტყმას მიაყენებს, მეორე უპასუხებს. მე მიყვარს კონკურენცია, ზეწოლის ქვეშ ყოფნა, მაგრამ პარიზსა და მარსელს შორის...