ესპანური „ბარსელონას“ მთავარი მწვრთნელის ბედი მადრიდის „ატლეტიკოსთან“ მატჩზე ჰკიდია.
პრეზიდენტ ჟოან ლაპორტას „ბენფიკასთან“ სამარცხვინო (0:3) წაგების მიუხედავად არ სურს გადაწყვეტილების ცხელ გულზე მიღება და იმედოვნებს, რომ გუნდს კიდევ აქვს მომატების პოტენციალი.
ასეა თუ ისე, კუმანის ბარსელონური კარიერა დიდი კითხვის ქვეშ დგას, უფრო ზუსტი პასუხი კი 2 ოქტომბერს, ლა ლიგის მე-8 ტურში მადრიდის „ატლეტიკოსთან“ მატჩის შემდეგ იქნება.
