Georges Mikautadze of Villarreal CF scores the second goal for his team during the LaLiga EA Sports match between Elche CF and Villarreal CF at...AS: „ეს იყო მიქაუტაძის საუკეთესო თამაში: საგოლე პასი და გოლი! მან ქუსლით ბევრი მომენტი შექმნა’’.

3:1 ― ასე დაასრულა „ვილიარეალმა’’ „ელჩეს’’ ცხრათამაშიანი წაუგებელი სერია. 15 წუთში ანგარიში უკვე 2:0 იყო. თავიდან ალბერტო მორენომ სეზონში თავისი მეშვიდე გოლი შეაგდო. მას საგოლე პასი ჟორჟ მიქაუტაძემ გადააწოდა, შემდეგ კი თავად ქართველს მიაწოდა ბურთი ნიკოლა პეპემ. ჟორჟმა შეტევა წარმატებით გააგრძელა და ანგარიში გაზარდა.

„ელჩეს’’ სასახელოდ უნდა ითქვას, რომ 30-ე წუთზე სხვაობა შეამცირა, რის მერეც ორივე გუნდს ჰქონდა სახიფათო მომენტები. კიდევ ერთი გოლის გატანა შეეძლო მიქაუტაძესაც, მაგრამ ამ ეპიზოდში მან რთულად თამაში ამჯობინა და ბურთი მიზანს გადააცილა. საბოლოოდ მაინც „ვილიარეალმა’’ იყოჩაღა, 83-ე წუთზე ალფონსო პედრასამ მასპინძლებს მესამე გაუტანა.

Flashscore-მა მატჩის საუკეთესო ფეხბურთელად ჟორჟ მიქაუტაძე დაასახელა. მან ამ საიტისგან 8.0 ქულა მიიღო.

Sofascore-მა ქართველის თამაში 7.5 ქულით შეაფასა. მისი აზრით, ქართველს თანაგუნდელებიდან პედრასა სჯობდა (8.0), ხოლო მეტოქეებიდან პორტუგალიელი მარტომ ნეტო (7.6).

მატჩის საუკეთესო  მოთამაშედ მიქაუტაძე დაასახელეს whoscored-მა (7.8), fotmob-მა(8.2).

დაკავშირებული სტატიებიმეტი ავტორი