„მან. სიტის“ მწვრთნელი ხოსეპ გვარდიოლა საშობაო არდადეგების დროს ფეხბურთელების წონის მატების შემოწმებას გეგმავს.
„მათ შეუძლიათ ჭამა, მაგრამ მინდა მათი კონტროლი. უნდა ავირჩიო შემადგენლობა 27-ში „ნოტინგემ ფორესტთან“ მატჩისთვის. წარმოიდგინეთ ფეხბურთელი, რომელიც ახლა შესანიშნავ ფორმაშია, მაგრამ სამი ზედმეტი კილოგრამით ბრუნდება. ის მანჩესტერში დარჩება და ნოტინგემში არ წამოვა. ეს დანამდვილებით შემიძლია ვთქვა“, – ამბობს მწვრთნელი.
ინგლისის პრემიერლიგაში ჩატარებული 17 მატჩის შემდეგ, მანჩესტერ სიტის 37 ქულა აქვს და ცხრილში მეორე ადგილზეა. ლიდერი „არსენალია“ 39 ქულით.
