„სენტ ეტიენმა’’ შინ ბოლოადგილოსან „ბასტიასთან’’ 2:2 ითამაშა. ამ მატჩამდე კორსიკელებს სტუმრად გოლი არ ჰქონდათ გატანილი. „მწვანეები’’ როგორც თავის ასევე მეტოქის საჯარიმოსთან უყურადღებოდ იყვნენ, მაგრამ ქართველი გულშემატკივრისთვის მთავარი ის არის, რომ მასპინძლების ორივე გოლი ზურიკო დავითაშვილმა გაიტანა. თავდამსხმელმა, რომელიც ნაახალწლევს შეიძლება „ბეშიქთაშის’’ ფეხბურთელი გახდეს, თავისი გუნდი წაგებისგან იხსნა. მან ორჯერ გაათანაბრა ანგარიში. ქულების დაკარგვის მიუხედავად „სენტ ეტიენი’’ მეორე ადგილზეა, მაგრამ მესამეადგილოსან „ლე მანთან’’ ტოლად არის, მეოთხე და მეხუთეადგილოსან „რეიმსსა’’ და „რედ სტარს’’ კი მხოლოდ ერთი ქულით უსწრებს, მაშინ როდესაც შეეძლო ორ და სამქულიანი უპირატესობა ჰქონოდა.
„შეხვედრა ისე დავიწყეთ როგორც გვინდოდა, მაგრამ გავუშვით პირველი გოლი და ამან ცუდად იმოქმედა, თამაშის გადაწყობა მოგვიწია. გაშვებულმა გოლმა მორალურად დაგვარტყა, მაგრამ მაქს ბერნაუერის ლამაზი პასისა და ზურიკო დავითაშვილის შედეგიანი დარტყმის წყალობით ბრძოლას დავუბრუნდით. ამის მერე უკვე მეორეს გასატანადაც გავიწიეთ, მაგრამ ისევ უცნაური გოლი გავუშვით, რამაც კვლავ აგვრია. მეორე ტაიმში უკვე საკუთარი თავის რწმენით ვითამაშეთ, კარგი რიტმი გვქონდა, ანგარიში გავათანაბრეთ, მერე პენალტიც დავარტყით, რომელიც ფლორიან ტარდიემ ვერ გაიტანა, მეტი კი ვერ შევძელით. ეს შედეგი შორსაა იმისგან რასაც ველოდით, მაგრამ ფაქტია უნდა ვაღაროთ’’, ― თქვა მატჩის შემდეგ „სენტ ეტიენის’’ ნორვეგიელმა მწვრთნელმა ერიკ ჰორნელანდმა.
