საქართველოს საკალათბურთო ნაკრებმა ევრობასკეტზე კიდევ ერთი სენსაცია შემოგვთავაზა და ევროპის ჩემპიონის ესპანეთის შემდეგ, ვიცე-ჩემპიონი საფრანგეთიც დაამარცხა. ალეკსანდარ ჯიკიჩის გუნდმა, თორნიკე შენგელიასა და კამარ ბოლდუინის ლიდერობით ბრწყინვალე მატჩი ჩაატარა როგორც დაცვაში, ასევე შეტევაში. თამაშის დასრულებამდე 3 წუთით ადრე, ჩვენმა ნაკრებმა საჭირო გაქცევა მოაწყო და მატჩი 10 ქულით, 80:70 მოიგო. საქართველოს ნაკრები ევრობასკეტის მეოთხედფინალში გავიდა, სადაც ფინეთს დაუპირისპირდება. თავის მხრივ ფინელებმა ასპარეზობას სერბეთი გამოთიშეს. ევრობასკეტის საკვალიფიკაციო ეტაპზე, საქართველო და ფინეთი ერთ ჯგუფში იყვნენ. მაშინ ჩვენმა გუნდმა მეტოქეს ორივე მატჩი მოუგო.
