სლოვაკეთის დედაქალაქ ბრატისლავაში ევროპის ახალგაზრდული ჩემპიონატის ფინალური ეტაპის წილისყრა გაიმართა და საქართველოს 21-წლამდე ნაკრების მეტოქეები გაირკვა.
რამაზ სვანაძის გაწვრთნილი გუნდი C ჯგუფში მოხვდა, სადაც მისი მეტოქეები პორტუგალიის, საფრანგეთისა და პოლონეთის ნაკრებები იქნებიან.
წილისყრის შედეგად 16 გუნდი 4 ქვეჯგუფში გადანაწილდა, ევროპის ჩემპიონატი სლოვაკეთში 2025 წლის 11 ივნისს დაიწყება და 28 ივნისამდე გასტანს.
ჯგუფები ასე დაკომპლექტდა:
A ჯგუფი: სლოვაკეთი, ესპანეთი, იტალია, რუმინეთი;
B ჯგუფი: ჩეხეთი, ინგლისი, გერმანია, სლოვენია;
C ჯგუფი: პორტუგალია, საფრანგეთი, პოლონეთი, საქართველო;
D ჯგუფი: ფინეთი, ნიდერლანდები, უკრაინა, დანია.
