ბითაძის მესამე ორმაგი

გოგა ბითაძე და „ორლანდო მეჯიქი“ მაგარ სვლაზე არიან. „ჯადოქრებმა“ ზედიზედ მეოთხე მატჩი მოიგეს, ხოლო ჩვენებურმა სეზონში მესამე ორმაგი დუბლი გააკეთა.

ორლანდოელებმა ამჯერად ბითაძის ყოფილი გუნდი, „ინდიანა პეისერსი“ დაძაბულ ბრძოლაში 94:90 დაამარცხეს, მოგებების რაოდენობით წაგებებს გაასწრეს (7-6) და აღმოსავლეთის კონფერენციაში მესამე ადგილზე დადგნენ.

ქართველი ცენტრი ისევ სასტარტო შემადგენლობაში იყო და მოედანზე 27:49 წუთი გაატარა, რა დროშიც 12 ქულა, 12 მოხსნა, თითო პასი და ჩაჭრა-პასითა და ორი დაფარება მიითვალა. გოგას კარგი ჰქონდა სროლების პროცენტული მაჩვენებელიც – ქართველმა ცენტრმა შვიდიდან ექვსი ორქულიანი გამოიყენა.

მოიგო სანდრო მამუკელაშვილის „სან ანტონიომაც“, მაგრამ ჩვენებურის გარეშე. „ვაშინგტონ ვიზარდსთან“ (139:130) მოგებულ მატჩში სანდრო მოედანზე არ გამოჩენილა. მატჩის გმირი კი, ვიქტორ ვემბანიამა გახდა, რომელმაც 50 ქულა მოინაგრა. „სან ანტონიოს“ 6 მოგება და 6 მარცხი აქვს და ამ მაჩვენებლით დასავლეთ კონფერენციაში პლეი ინის ზონაშია, მე-10 ადგილზეა.