6 ნოემბერს საქართველოს ხელბურთელთა ნაკრები ევრო 2026-ის საკვალიფიკაციო ეტაპს დაიწყებს. ტიტე კალანდაძის გუნდი ჯგუფში ისლანდიასთან, საბერძნეთთან და ბოსნია-ჰერცეგოვინასთან ერთად მოხვდა.
საქართველოს ნაკრებს ევროპის ჩემპიონატზე თამაშის გამოცდილება აქვს – წლეულს პირველად იასპარეზა და იმავეს გაკეთებას კიდევ ერთხელ შეეცდება.
ევროპირველობაზე ერთ-ერთი მეტოქე სწორედ ბოსნია იყო და ისტორიული გამარჯვებაც მათთან მოვიპოვეთ.
2026 წლის ევროპის ჩემპიონატის საკვალიფიკაციო ტურნირში სულ 32 ნაკრები ჩაერთვება და რვა ოთხგუნდიან ჯგუფში გადანაწილდა. ევროპის ჩემპიონატზე კი, პირველ-მეორე ადგილოსნები და ოთხი საუკეთესო მესამეადგილოსანი გავა. სულ 20 გუნდი, რომელთაც მასპინძლები – დანია, ნორვეგია, შვედეთი და მოქმედი ჩემპიონი საფრანგეთი დაემატებათ.
სეზონს ქართველი ხელბურთელები საბერძნეთში დაიწყებენ, ხოლო 10 ნოემბერს შინ ისლანდიას დაუხვდებიან. ცნობილია სხვა მატჩების განრიგიც: საქართველო-ბოსნია (12-13 მარტი); ბოსნია-საქართველო (15-16 მარტი); საქართველო-საბერძნეთი (7-8 მაისი); ისლანდია-საქართველო (10-11 მაისი).
