„კრისტალბეთ ეროვნული ლიგის“ 29-ე ტურში ლიდერი ისევ შეიცვალა. „ტორპედომ“ უშუალო კონკურენტ „იბერიასთან“ 0:3 წააგო და პირველიდან მესამე ადგილზე დაქვეითდა. ეს ქუთაისელთა მიჯრით მეორე მარცხი გახლდათ.
„დილამ“ კი დაძაბულ ბრძოლაში მოუგო „სამგურალს“ – 2:1. გამარჯვების გოლი 91-ე წუთზე გაიტანა ირაკლი ბუღრიძემ.
ახლა „დილას“ და „იბერიას“ თანაბარი 58-58 ქულა მოუგროვდათ და გორელები პირველ საფეხურზე გატანილ-მიღებული ბურთების უკკეთესი ბალანსის გამო დგანან. „ტორპედოს“ ერთი ქულით ნაკლები აქვს.
საერთოდ, ჩემპიონობისთვის მებრძოლი სამეული უკვე აშკარად გამოიკვეთა და თუ სასწაული არ მოხდა, ტიტული „დილას,“ „იბერიასა“ და „ტორპედოს“ შორის გათამაშდება. მესამეადგილოსანი „ტორპედო“ მეოთხეზე მდგარ „ბათუმს“ 12 ქულით უსწრებს.
„ბათუმი“ ვახსენეთ და, ზღვისპირელთა გუნდში მთავარი მწვრთნელის პოსტზე გიორგი ჭიაბრიშვილის დებიუტი შედგა. დებიუტი წარმატებული გამოდგა, „ბათუმმა“ კი 16 აპრილის შემდეგ შინ პირველად გაიმარჯვა.
„დინამო“ „დინამო არენაზე“ დაბრუნდა (მანამდე თბილისელებმა ორი საშინაო მატჩი „დავით პეტრიაშვილზე“ ჩაატარეს). დაბრუნება იღბლიანი გამოდგა: ფერდინანდ ფელდჰოფერის შეგირდებმა აუტსაიდერ „თელავს“ 5:1 მოუგეს. დუბლი მიითვალა თბილისელთა 17 წლის შემტევმა ვახტანგ სალიამ.
„თელავმა“ კი ზედიზედ მეოთხე მატჩი წააგო.
„კოლხეთი“ და „სამტრედია“ ერთმანეთს უგოლოდ დაშორდნენ, თუმცა მეორე ტაიმის დასაწყისში სამტრედიელმა რატი არდაზიშვილმა პენალტი ვერ გაიტანა.
ბათუმი 3:2 გაგრა
1:0 ბალბურდია (11), 2:0 ინჯგია (62), 2:1 გაბისკირია (69), 3:1 მილჩენკო (71), 3:2 ლომთაძე (88)
გაძევება: უბილავა (45+3) – გაგრა
დინამო 5:1 თელავი
1:0 ხვადაგიანი (20), 2:0, 3:0 სალია (38, 60), 4:0 გორდეზიანი (66), 4:1 გეორგიევიჩი (78), 5:1 ვაწაძე (80)
კოლხეთი 0:0 სამტრედია
48-ე წუთზე არდაზიშვილმა (სამტრედია) ვერ გაიტანა პენალტი
იბერია 3:0 ტორპედო
1:0 სილა (3), 2:0 ტაბატაძე (35), 3:0 ოთარ მამაგეიშვილი (38)
დილა 2:1 სამგურალი
1:0 შეყილაძე (10), 1:1 კალანდარიშვილი (50), 2:1 ბუღრიძე (90+1)
| გუნდი | თამაში | მოგება | ფრე | წაგება | ბურთები | ქულა |
|---|---|---|---|---|---|---|
| იბერია 1999 | 33 | 22 | 4 | 7 | 70:43 | 70 |
| ტორპედო | 33 | 19 | 7 | 7 | 54:38 | 64 |
| დილა | 33 | 17 | 11 | 5 | 54:28 | 62 |
| ბათუმი | 33 | 13 | 10 | 10 | 39:38 | 49 |
| სამგურალი | 33 | 10 | 9 | 14 | 48:47 | 39 |
| დინამო | 33 | 9 | 12 | 12 | 32:38 | 39 |
| გაგრა | 33 | 10 | 5 | 18 | 34:49 | 35 |
| კოლხეთი | 33 | 7 | 13 | 13 | 42:56 | 34 |
| თელავი | 33 | 7 | 9 | 17 | 27:40 | 30 |
| სამტრედია | 33 | 5 | 12 | 16 | 31:54 | 27 |
მეგოლეები: ბიორნ იონსენი (ტორპედო/ნორვეგია) – 19, ტაირელ ვაუტერი (დილა/ნიდერლანდები) – 16, გიორგი კოხრეიძე (იბერია) – 14, შეიკნე სილა (იბერია/მალი) – 11, ლუკა ხორხელი (სამგურალი) – 10
