ორი თვის შემდეგ

„კრისტალბეთ ეროვნული ლიგის“ სეზონი ორთვიანი პაუზის შემდეგ განახლდა. მესამე წრე დაიწყო და მე-19 ტურში გოლების ანტირეკორდიც დამყარდა. მეტოქეებმა ერთურთს მხოლოდ 6 გოლი გაუტანეს, რაც ყველზე დაბალი მაჩვენებელია წლევანდელ სეზონში (მანამდე ასეთი მე-12 ტური გახლდათ – 7 გოლი).

ლიდერმა „დილამ“ ქულები დაკაგა, შინ „გაგრას“ ვერ მოუგო (0:0), თუმცა ჯამში 16-მატჩიანი წაუგებელი სერია გააგრძელა და უშუალო მდევარ „ტორპედს“ 2 ქულით უსწრებს.

„სამგურალმა“ „დინამოს“ მოუგო თბილისში, ერთადერთი ბურთი წყალტუბოელთა ახალწვეულმა ლევან კუტალიამ გაიტანა, თუმცა გოლი არ აღუნიშნავს, რადგან ადრე „დინამოში“ თამაშობდა.

ეს წყალტუბოელების ზედიზედ მეორე გამარჯვება გახლდათ. ისინი ცხრილში ორი ადგილით დაწინაურდნენ და „დინამოს“ გაუთანაბრდნენ.

ზღვისპირულ დერბიში „ბათუმმა“ „კოლხეთს“ ვერ აჯობა  (0:0). სხვათა შორის, ბათუმელებმა ბოლო 7 მატჩიდან მხოლოდ ერთი მოიგეს.

ვერ გაიმარჯვა „იბერიამაც,“ რომელსაც 8 აგვისტოს კონფერენციის ლიგის მესამე რაუნდში  სტამბოლის „ბაშაკშეჰირთან“ დაპირისპირება უწევს. ამჯერად „იბერიას“ ერთ-ერთი აუტსაიდერი, „თელავი“ სტუმრობდა და უგებდა კიდეც, მალელი ტრაორეს სადებიუტო გოლით, მაგრამ ბოლოსკენ სტუმარმა ლადო ოდიშვილმა საკუთრ კარში გაიტანა და მატჩიც 1:1 დასრულდა.

„ტორპედომ“ „სამტრედიას“ 96-ე წუთზე მოუგო ყოფილი სამტრედიელის, ლაშა შერგელაშვილის ულამაზესი საჯარიმო დატყმით – 2:1. თუმცა თავიდან აგებდა. ახლა ქუთაისელებმა 40 ქულა მოაგროვეს და ლიდერ დილას მხოლოდ ორი პუნქტით ჩამორჩებიან.

დინამო 0:1 სამგურალი

0:1 კუტალია (73)

დილა 0:0 გაგრა

იბერია 1:1 თელავი

0:1 ტრაორე (69), 1:1 ოდიშვილი (86 საკ. კარში)

ბათუმი 0:0 კოლხეთი

ტორპედო 2:1 სამტრედია

0:1 ამოაკო (17), 1:1 იანსანე (36), 2:1 შერგელაშვილი (90+6)