მეოთხე წრის პირველი (ჯამში – 28) ტური უხვგოლიანი გამოდგა. 21 ბურთი გავიდა და ერთით ჩამორჩა სარეკორდო 22-ს რომელიც ფეხბურთელებმა მე-14 და 24-ე სათამაშო დღეებში გაიტანეს.
სეზონის მე-400 გოლის ავტორი დანიელი ალექსანდერ იაკობსენი გახდა, რომელმაც „შუქურას“ პენალტით გაუტანა 69-ე წუთზე.
ამავე შეხვედრაში ჰეთ-თრიქი მიითვალა გიორგი წიტაიშვილმა. ეს გიორგის პირველი სამგოლაა ეროვნულ ჩემპიონატში. „ბათუმმა“ კი 6:0 სძლია მეზობელ ქობულეთელებს, თუმცა შეხვედრა ბათუმში, ანგისას ბაზაზე გაიმართა.
ტურის გვიან მატჩში „დინამომ“ შინ 3:1 დაამარცხა „დილა“ და ისევ 7 ქულით ჩამორჩება ლიდერ „ბათუმს.“
თელავში ერთმანეთს უშუალო კონკურენტები შეხვდნენ. კახელები ბოლო 9 მატჩში მხოლოდ ერთხელ წაეგოთ, სამტრედიელებს კი 7-მატჩიანი დაუმარცხებელი და ზედიზედ ოთხმოგებიანი სერია ჰქონდათ. თამაში ფრედ დასრულდა (1:1) და კონკურენტებს შორის სხვაობა ისევ 5 ქულაა. თუმცა სტუმარ მათე აბულაძეს 56-ე წუთზე პენალტი რომ გაეტანა, შესაძლოა, მოვლენები სხვაგვარად განვითარებულიყო.
„საბურთალოს“ კრიზისი გრძელდება. კლუბიდან ომარ თეთრაძის წასვლის შემდეგ, ამჯერად მათ უჩა სოსიაშვილმა უხელმძღვანელა, მაგრამ შედეგი კვლავ სავალალო გამოდგა – 0:5 „ტორპედოსთან.“ საბურთალოელებმა ზედიზედ 4 თამაში წააგეს, რომლებშიც გოლი არ გაუტანიათ.
ტორპედოელთაგან კი გიორგი არაბიძემ დუბლი მიითვალა, ეს გიორგის მეორე ორგოლაა მიმდინარე სეზონში.
შუქურა 0:6 ბათუმი
0:1 ზარია (14 პენ), 0:2 წიტაიშვილი (22 პენ), 0:3 ღუდუშაური (31), 0:4, 0:5 წიტაიშვილი (34, 41), 0:6 იაკობსენი (69 პენ)
სამგურალი 2:2 გაგრა
0:1 ლომთაძე (28 პენ), 1:1 ბალანიუკი (47 პენ), 2:1 კაგაიამა (52), 2:2 შონგა (90+5)
36-ე წუთზე კაგაიამამ ვერ გაიტანა პენალტი
თელავი – სამტრედია
1:0 რუხაძე (43), 1:1 მიშოვი (61 პენ)
56-ე წუთზე აბულაძემ (სამტრედია) ვერ გაიტანა პენალტი
ტორპედო 5:0 საბურთალო
1:0 შერგელაშვილი (25), 2:0 არაბიძე (29), 3:0 ბუღრიძე (43), 4:0 არაბიძე (59 პენ), 5:0 ნინკოვიჩი (90+2)
გაძევება: ჯგერენაია (37) – საბურთალო
დინამო 3:1 დილა
1:0 ხარაიშვილი (11), 2:0 მეწვაბიშვილი (18), 3:0 კამარა (24), 3:1 გაგნიძე (72)
| გუნდი | თამაში | მოგება | ფრე | წაგება | ბურთები | ქულა |
|---|---|---|---|---|---|---|
| ბათუმი | 36 | 21 | 11 | 4 | 83:41 | 73 |
| დინამო | 36 | 21 | 8 | 7 | 93:49 | 68 |
| ტორპედო | 36 | 16 | 12 | 8 | 55:37 | 59 |
| დილა | 36 | 17 | 9 | 10 | 56:39 | 57 |
| სამგურალი | 36 | 16 | 9 | 11 | 53:51 | 54 |
| საბურთალო | 36 | 14 | 9 | 13 | 58:49 | 51 |
| გაგრა | 36 | 10 | 8 | 18 | 47:65 | 35 |
| თელავი | 36 | 10 | 7 | 19 | 34:62 | 37 |
| სამტრედია | 36 | 9 | 6 | 21 | 50:62 | 33 |
| შუქურა | 36 | 4 | 5 | 27 | 38:112 | 11 |
შუქურას დაკლებული აქვს 6 ქულა
მეგოლეები: ჯოვინო ფლამარიონი (ბათუმი) – 15, ულად-ომარ იმრანი (დინამო/ ჰაპოელი ბეერ შევა ისრაელი) – 13, შეიკნე სილა (საბურთალო), ვლადიმერ მამუჩაშვილი (ბათუმი) – 11, ტიერი გეილი (დილა/ რაპიდი ავსტრია), უსმანე კამარა, ზორან მარუშიჩი (ორივე – დინამო), პაატა ღუდუშაური (ბათუმი) – 10
