Calciomercato.com-ის ინფორმაციით გუშინ, ხვიჩა კვარაცხელიასა და „ნაპოლის” შორის ურთიერთობა გაირკვა. მხარეებმა სამომავლო თანამშრომლობის ყველა დეტალი შეათანხმეს.
ქართველი გარემარბი ახლანდელ კონტრაქტს, რომელსაც ვადა 2027 წლის ზაფხულში ეწურება, კიდევ ერთი წლით ანუ 2028-მდე გაახანგრძლივებს და გასამრჯელოდ ორჯერ მეტი თანხა, წელიწადში 2,5 მილიონი ევრო დაენიშნება. ამრიგად, პორტალის ცნობით, ახლა უკვე დაბეჯითებით შეიძლება თქმა, რომ 77 ნომერი ნეაპოლში რჩება.
