„ჩელსის“ დროებითმა მწვრთნელმა ფრენკ ლემპარდმა უპასუხა კითხვას, დაზარალდა თუ არა მიმდინარე სეზონში კლუბის რეპუტაცია და აღნიშნა, რომ გუნდი სძულდათ, როდესაც მას რუსი ბიზნესმენი რომან აბრამოვიჩი ფლობდა.
„არ მაინტერესებს ხალხი რას ფიქრობს ჩვენზე, როგორც კლუბზე. აბრამოვიჩის მმართველობის პირველ წლებში მგონი ყველას ვძულდით, მაგრამ მაინც ვიმარჯვებდით. ახლა ვცდილობთ ვიყოთ გუნდი, სადაც ადამიანები ერთმანეთს პატივს სცემენ და ესმით, რისი მიღწევა სურთ. თუმცა ამ დროისთვის ეს ასე არ არის,” – გულახდილად თქვა ლემპარდმა.
მიმდინარე სეზონში „ჩელსიმ“ ორი მწვრთნელი გაათავისუფლა. პირველი იყო თომას ტუხელი, მეორე კი – გრეჰემ პოტერი.
