„მანჩესტერ იუნაიტედის“ დანიელმა ნახევარმცველმა კრისტიან ერიკსენმა გაამხილა, თუ როგორ შეცვალა ტრავმირებული მარსელ ზაბიტცერი სასტარტო შემადგენლობაში, პრემიერლიგის გუშინდელ მატჩში „ნოტინგემ ფორესტის“ წინააღმდეგ (2:0).
„დიდი დრო არ მქონდა მოსამზადებლად. გავიგე, რომ მარსელი ტრავმირებულია. მითხრეს, მზად იყავიო. ცოტა ხნით თამაშის რიტმს ვერ შევეწყვე, მომზადება მჭირდებოდა. შემდეგ კი ყველაფერი დალაგდა.
ადვილად ვეგუები გუნდის თამაშს. პარტნიორებმა ჩემზე შთაბეჭდილება მოახდინეს, მათ შეინარჩუნეს ინტენსივობა და დონე. სეზონის დასაწყისისგან განსხვავებით, ახლა კლუბში სულ სხვა ატმოსფეროა.
წინ ჯერ კიდევ ბევრი თამაში გველის, მაგრამ გვინდა მაქსიმალურად დავიხარჯოთ. შური ვიძიოთ „სევილიაზე“ და ევროპა ლიგის ნახევარფინალში გავიდეთ“, – უთხრა BBC-ს ერიკსენმა.
