დინამო თავში მარტოა

ეროვნული ლიგის მესამე ტურმა ერთპიროვნული ლიდერი მოგვივლინა: თბილისის „დინამომ“ სტუმრად „გაგრა“ 5:3 დაამარცხა და ვინაიდან უშუალო კონკურენტმა, „ბათუმმა,“ გორში, „დილასთან“ შეხვედრა ფრედ დაასრულა (1:1), ქულათა მაქსიმუმით (9) ერთპიროვნულად გალიდერდა.

დინამოელთაგან დუბლი მიითვალა გვინეელმა უსმანე კამარამ. ასევე თავი გამოიჩინეს ულად-ომარ იმრანმა, ზორან მარუშიჩმა და გაბრიელ სიგუამ. საინტერესოა, რომ 17 წლის სიგუამ მიჯრით მეორე მატჩში გაიტანა.

ომარ თეთრაძის ხელმძღვანელობით „საბურთალომ“ პირველად გაიმარჯვა. საბურთალოელებმა „შუქურას“ 2:1 მოუგეს.

პირველი გოლი გაიტანა უცხოეთიდან დაბრუნებულმა ნიკა კაჭარავამ. „ტორპედომ“ სტუმრად „სამტრედია“ 2:0 დაამარცხა. ანგარიში გიორგი არაბიძემ გახსნა, მეორე კი კაჭარავამ შეაგდო.

„სამგურალმა“ „თელავს“ ზესტაფონში 1:0 მოუგო და 6 ქულით ისევ მესამე ადგილზე დგას. თუმცა, ჩემპიონატი ახალი დაწყებულია და სატურნირო ადგილებიც, ჯერჯერობით პირობითია.