პოლონეთის ექსტრაკლასას 21-ე ტურში „კრაკოვიამ“ საკუთარ მოედანზე „სტალ მელეკი“ 2:1 დაამარცხა. ამ გამარჯვებაში გადამწყვეტი როლი კარაკოველთა ქართველმა ლეგიონერმა ოთარ კაკაბაძემ ითამაშა.
საქართველოს ნაკრების მარჯვენა მცველი თამაშში მეორე ტაიმიდან ჩაერთო და მოედანზე შესვლიდან ერთ წუთში გატანილი გოლით ანგარიში გაათანაბრა, მატჩის ბოლოსკენ კი მისი საგოლე პასის შემდეგ მაკუჩიმ „კრაკოვიას“ გამარჯვება მოუტანა.
კაკაბაძეს შედეგიანი თამაში პოლონური ექსტრაკლასას ოფიციალურმა გვერდმა დაუფასა და ქართველი მცველი 21-ე ტურის სიმბოლურ ნაკრებში შეიყვანა.
