თბილისის „დინამოს“ ყოფილი ფორვარდი გიორგი გაბედავა კარიერას ისრაელში გააგრძელებს. 33 წლის ფორვარდმა კონტრაქტი აკრეს „ჰაპოელთან“ გააფორმა.
ეს გუნდი ისრაელის რანგით მეორე (ლეუმით ლიგა) ლიგაში თამაშობს, სატურნირო ცხრილში მე-5 ადგილზეა და უმაღლეს დივიზიონში გადასასვლელად იბრძვის.
გაბედავამ კარიერა ზუგდიდის „მგლებში“ დაიწყო, უთამაშია „გაგრაში“, რუსთავის „ოლიმპში“, „ილიჩევეცში“, „ზუგდიდში“, საჩხერის „ჩიხურაში“, „სამტრედიაში“, ბათუმის „დინამოში“, „ზაგლებიეში“, „საბურთალოსა“ და თბილისის „დინამოში“.
2018 წელს გაბედავა საჩხერის „ჩიხურაში“ეროვნული ლიგის ბომბარდირი გახდა ბუდუ ზივზივაძესთან ერთად. ამავე წელს ეროვნული ლიგის საუკეთესო ფეხბურთელად დასახელდა. არის საქართველოს ჩემპიონი, საქართველოს თასისა ორგზის გამარჯვებული და სუპერთასის მფლობელი.
