გამოსახულება ცნობილ კედლის მხატვარს Tvboy-ს ეკუთვნის. ის ბარსელონას ყველაზე ფართო, მთავარ გამზირზე, დიაგონალზე იყო შესრულებული. მასზე მსოფლიოს შვიდგზის საუკეთესო ფეხბურთელი მსოფლიო თასით ხელში, წმინდანად იყო გამოსახული.
შეგახსენებთ, რომ მესი „ბარსელონას” 2021 წელს დაემშვიდობა და პარიზში გადავიდა. მისი წასვლა რთული და წინააღმდეგობრივი პროცესი გახლდათ. მას მერე სულ არის ლაპარაკი, რომ ერთ მშვენიერ დღეს არგენტინელი საყვარელ „ბლაუგრანას” დაუბრუნდება, მაგრამ ბოლო ცნობები საპირისპირო შინაარსისა გამოდგა — მესის თურმე სხვა გეგმები აქვს და „პარკ დე პრენსზე” აპირებს დარჩენას. შესაძლოა მავანი სწორედ ამან გააბრაზა.
არის სხვა ვერსიებიც: მესის გამოსახულება ქალაქის მეორე კლუბის, „ეპანიოლის” გულშემატკივარს შეეძლო დაეზიანებინა; ცოტა ძნელი წარმოსადგენია, მაგრამ კატალონიის დედაქალაქში მადრიდიდან ჩასულ „რეალის” ქომაგს შეეძლო ეხულიგნა და ბოლოს, ვინმე გაწბილებული ფრანგის ვარიანტიც არ არის გამორიცხული.
