No description available.ეროვნული ლიგის ბოლოსწინა, 35-ე ტურმა, კიდევ უფრო დაძაბა სატურნირო მდგომარეობა. „ბათუმმა“ „გაგრას“ სტუმრად 4:1 მოუგო (ბათუმელმა ჯამბულ ჯიღაურმა დუბლი შეასრულა) , „დინამო“ კი „სამგურალთან“ აგებდა, მაგრამ ბოლოს ქულა გადაარჩინა, ულად-ომარ იმრანის გამათანაბრებელი გოლი შეიძლება საჩემპიონოც გამოდგეს.

ახლა თბილისელები ბათუმელებს მხოლოდ ერთი ქულით უსწრებენ და ყველაფერი ბოლო ტურში გაირკვევა. ისე, როგორც შარშან.

ერთი წლის წინათ ზღვისპირელებმა იპირველეს, ამჯერად კი „დინამოს“ შინ „გაგრას“ დამარცხება მართებს და ბათუმელები მათ ვეღარ დაეწევიან. გია გეგუჩაძის გუნდს უფრო სერიოზული მეტოქე ჰყავს „ტორპედოს“ სახით.

საინტერესო იქნება უშუალო კონკურენტების, „დილასა“ და „სამგურალის“ შეხვედრა. სწორედ მათ შორის გაირკვევა მესამედგილოსანი, შესაბამისად ევროსაგზურის მფლობელიც.

დაიძაბა ვითარება ცხრილის ქვედა ნაწილშიც. იქაც ყველაფერი ბოლო ტურში გაირკვევა.

ბოლო, 36-ე ტური 3 დეკემბერს გაიმართება: „დინამო – გაგრა, „ბათუმი“ – „ტორპედო“, „სიონი“ – „ლოკომოტივი“, „საბურთალო“ – „თელავი“, „დილა“ – „სამგურალი“.

გაგრა 1:4 ბათუმი

0:1 ჯიღაური (24), 0:2 ფლამარიონი (42), 0:3 ჯიღაური (60), 1:3 ნოზაძე (62), 1:4 ვაწაძე (84)

სამგურალი 1:1 დინამო

1:0 ნიქაბაძე (21), 1:1 იმრანი (56)

ლოკომოტივი 0:1 საბურთალო

0:1 ტაბატაძე (87)

თელავი 1:1 დილა

0:1 ბერიაშვილი (13 საკ. კარში), 1:1 მუჯირი (76)

გაძევება: კაპანაძე (30) – თელავი; გომისი (30) – დილა

ტორპედო 3:0 სიონი

1:0 კიკალიშვილი (24, საკ. კარში), 2:0 ახვლედიანი (71), 3:0 კუხიანიძე (83)

გუნდითამაშიმოგებაფრეწაგებაბურთებიქულა
დინამო35238471:2877
ბათუმი35237585:32 76
სამგურალი351512855:4157
დილა351681145:3556
ტორპედო351581246:4653
საბურთალო351381451:4847
თელავი357171328:3636
გაგრა35991735:5536
სიონი357121633:5833
ლოკომოტივი35152926:968

მეგოლეები: ჯოვინო ფლამარიონი (ბათუმი) – 19, ირაკლი რუხაძე (სამგურალი) – 13, ირაკლი სიხარულიძე (საბურთალო) – 12, უსმანე კამარა, სტანისლავ ბილენკი (ორივე – დინამო) – 10