უქულოდ დაიწყო ნაციონალური საკალათბურთო ასოციაციის 2022-23 წლების სეზონი გოგა ბითაძემ. ჩვენებური, რომელსაც „ინდიანამ“ ახალი კონტრაქტი არ გაუფორმა, მოედანზე პირველივე მატჩში გამოჩნდა, მისი გუნდი კი შინ „ვაშინგტონთან“ 107:114 დამარცხდა.
ბითაძემ პარკეტზე 10 წუთი გაატარა, ფარს მხოლოდ ერთხელ შეუტია და უშედეგოდ, აქტივში 2 მოხსნა, 2 პასი, 1 ჩაჭრა და 1 დაფარება ჩაიწერა, ხოლო პასივში – ორი დაკარგვა და სამი პერსონალური ფოლი მიიღო.
„ინდიანას“ მომდევო მატჩი „სან ანტონიოსთან“ 22 ოქტომბერს ელის, ხოლო სანდრო მამუკელაშვილის „მილუოკი ბაქსი“ 21 ოქტომბერს, 3:30 წუთზე „ფილადელფიას“ ეთამაშება.
