საქართველო დაირაზმა

საქართველოს წყალბურთელთა ნაკრები ხორვატიის ქალაქ სპლიტში გაემგზავრა, სადაც 29 აგვისტოს, ევროპის ჩემპიონატი დაიწყება.

კონტინენტის საუკეთესო 16 გუნდში საქართველოც არის. დეიან სტანოევიჩის გაწვრთნილი გუნდი A ჯგუფში იტალიის, ჩერნოგორიისა და სლოვაკეთის ნაკრებებთან მოხვდა.

სხვა ჯგუფებში გუნდები ასე გადანაწილდნენ:

B ჯგუფი: საბერძნეთი, მალტა, საფრანგეთი, ხორვატია

C ჯგუფი: რუმინეთი, გერმანია, ესპანეთი, ნიდერლანდები

D ჯგუფი: სერბეთი, უნგრეთი, ისრაელი, სლოვენია

ჯგუფიდან 3-3 გუნდი გადის. საუკეთესოები პირდაპირ მეოთხედფინალში თამაშის უფლებას მოიპოვებენ, 2-3 ადგილოსნები კი, ფლეი-ოფში გადავლენ.

აქ გუნდები ასე დაწყვილდებიან: A2-C3, B2-D3, A3-C2, B3-D2.

წილისყრიდან გამომდინარე, საქართველოს ნაკრებს კარგი შანსი აქვს 8 საუკეთესო ნაკრებში მოხვდეს, რადგან, ექსპერტების აზრით, A ჯგუფი ერთ-ერთი ყველაზე სუსტია.

სტანოევიჩმა სპლიტში შემდეგი წყალბურთელები იახლა: ირაკლი რაზმაძე, ნიკოლოზ შუბლაძე, ვალიკო დადვანი, ხვიჩა ჯახაია, ნიკა ტყეშელაშვილი, მარკო ელაჩა, ფაბიო ბარალდი, ანდრია ბითაძე, სანდრო ადეიშვილი, ბორის ვაპენსკი, ნიკოლოზ შუშაშვილი, რეზი იმნაიშვილი, ივან სარიჩი, გიორგი მაგრაქველიძე, დუშან ვასიჩი