29 ივნისი თვალსაჩინო ნიმუშია იმის, როგორ არ ვუფრთხილდებით ისტორიას!
60 წლის წინ ამ დღეს, საკალათბურთო „დინამომ“ ჩემპიონთა თასი მოიგო.
ჟენევურ ფინალში ქართველმა კალათბურთელებმა მადრიდის „რეალი“ 90:83 დაამარცხეს. არც იქამდე და არც მერე, არც ერთ სახეობაში ქართულ კლუბს ჩემპიონთა თასი არ მოუგია.
ახლა კი, მიმოვიხედოთ და ვაღიაროთ, რომ ჩვენს გარშემო ადამიანების უმრავლესობამ ყველაზე დიდი საკლუბო გამარჯვების შესახებ უბრალოდ არაფერი იცის!
დავაზუსტოთ: დეტალები არ იცის კი არა, საერთოდ არაფერი სმენია ამ გამარჯვების შესახებ!
რატომ, როგორ და ვისი ბრალია, ეს ვრცელი მსჯელობის თემაა.
აქ კი, უბრალოდ გვსურს, მოგილოცოთ ისტორიული გამარჯვების 60 წლისთავი და ფინალის უნიკალური ფოტოები წარმოგიდგინოთ.
