სიმეონე: ანჩელოტი სულ ერთია

დიეგო სიმეონე კარლო ანჩელოტის ჩაეხუტა „ატლეტიკო“-„რეალის“ მატჩის (1:0) მერე.

სიმეონემ აღნიშნა, რომ მის გუნდს ჩემპიონთა ლიგის საგზური ჯერ გარანტირებული არ აქვს, მაგრამ დერბიში მოგებამ ძალიან გაახარა:

„ ანჩელოტით აღტაცებული ვარ, განსაკუთრებით კი მისი თვისებით, როცა ერთნაირად იქცევა მოგებისა და წაგების შემდეგ. ისე, სხვა მწვრთნელებსაც გულითადად ვესაუბრები: ბორდალასს, მარსელინოს.

… „რეალთან“ ბევრი მომენტი გვქონდა თამაში უნდა დაგვემთავრებინა, მაგრამ სიმძლავრე არ გვეყო. ფეხბურთი რთული სახეობაა. ამ არასტაბილურ სეზონში გულშემატკივრები სულ გვერდში გვედგნენ და ეს დიდი გრძნობაა. მათი ვალდებულები ვართ“.

ამასთან, სიმეონემ ახსნა, თუ რატომ არ გაუკეთა „ატლეტიკომ“ „რეალს“ საჩემპიონო კორიდორი. „ამის შესახებ უკვე გვქონდა განცხადება, მაგრამ გავიმეორებ: „რეალს“ დიდ პატივს ვცემთ, მაგრამ უფრო დიდ პატივს ვცემთ ჩვენს გულშემატკივრებს“.