„ლივერპულმა“ „კარაბაოს თასი“ უკვე მოიგო, წინ კი სხვა ტიტულებია და მერსისაიდელებს ყველა გათამაშებაში აქვთ წარმატების შანსი.
კლოპის გუნდმა როცა „ჩელსი“ პენალტების სერიაში დაამარცხა, მაშინ ოთხ ტიტულზე საუბარი არც იყო: „სიტი“ პრემიერლიგას დამაჯერებლად ლიდერობდა, ხოლო FA Cup-ზე კლოპი და მისი შეგირდები ფინალამდე ვერც აღწევდნენ. თუმც ახლა…
FA Cup-ის ნახევარფინალში, „ლივერპულმა“ „სიტი“ 3:2 დაამარცხა და ფინალში გავიდა. ლივერპულელებმა ბოლოს ეს თასი 2005-06 წლებში მოიგეს, როცა ფინალში „ვესტ ჰემს“ აჯობეს.
ჩემპიონთა ლიგის მოგებამდე სამი მატჩია დარჩენილი – „ლივერპულს“ ნახევარფინალში „ვილიარეალი“ ჰყავს და დიდი ეჭვია „ბაიერნის“, „იუვენტუსის“ და „მანჩესტერის“ დამმარცხებლები ძლევამოსილ სვლას სწორედ კლოპის ბიჭებთან დაასრულებენ.
პრემიერლიგაში საქმე შედარებით რთულადაა, თუმც შანსი იქაც არის – „სიტის“ ერთი წაბორძიკება „ლივერპულის“ ჩემპიონობას ნიშნავს. მხოლოდ გასათვალისწინებელია, რომ პეპ გვარდიოლას დარჩენილი მატჩების შედარებით იოლი კალენდარი აქვს.
ბოლოს კი ის გუნდები ჩამოვთვალოთ, რომლებმაც სეზონი ოთხი ტიტულით დაამთავრეს:
სელტიკი (1966 – 1967 წ.წ.) – ჩემპიონთა თასი, შოტლანდიის თასი, გლაზგოს თასი, ლიგის თასი.
ბაიერნი (2012 – 2013) – ჩემპიონთა ლიგა, ბუნდესლიგა, გერმანიის თასი, გერმანიის სუპერთასი)
ბარსელონა (2015 – 2016) – ლა ლიგა, უეფას სუპერთასი, მსოფლიო საკლუბო ჩემპიონატი, ესპანეთის თასი
პსჟ (2014 – 2015, 2015 – 2016, 2016 – 2017) – ლიგა 1, საფრანგეთის სუპერთასი, საფრანგეთის თასი, ლიგის თასი
რეალი (2017 – 2018) – ჩემპიონთა ლიგა, უეფას სუპერთასი, საკლუბო ჩემპიონატი, ესპანეთის თასი
ბაიერნი (2019 – 2020) – ჩემპიონთა ლიგა, ბუნდესლიგა, გერმანიის თასი, საკლუბო ჩემპიონატი
„ლივერპულს“ შანსი აქ სეზონში ოთხი ტიტული მომგები მე-6 კლუბი გახდეს.
