პიერ-ემერიკ ობამეიანგმა „ბარსელონაში“ გადასვლის დიდი სურვილი გამოამჟღავნა. ძალიან საინტერესოა, რომ მას „არსენალიდან“ „კამპ ნოუზე“ გადაბარგება ფულის გამო არ უნდა. გაბონის ნაკრების ფორვარდს სურს დაამტკიცოს, რომ მსოფლიოში ერთ-ერთი საუკეთესო თავდამსხმელია და ამისათვის „გადატვირთვა“ სჭირდება.
„ბარსა“, თავის მხრივ, ცდილობს ოსმან დემბელე გაყიდოს და მონაგებ ფულად, იჯარით ობამეიანგი გადაიბიროს.
კატალონიური პრესა წერს, რომ ჯერჯერობით არსენალელის საქმე ადგილიდან არ იძვრის. „ბლაუგრანას“ სპორტული დირექტორი მატეუ ალემანი გამოსავალს ეძებს. კლუბის სახელფასო ფონდი მას ვარსკვლავის ჯამაგირით მოხიბლვის საშუალებას არ აძლევს, თუმცა ობას უთქვამს, ოღონდ თქვენ საქმე გაჩარხეთ და მე ძალიან იაფად ვითამაშებო.
