ესპანელმა მწვრთნელმა ნახევარი წელიწადი იმუშავა პოსტზე. არ გამოვიდა მისი რომანი ერთ დროს N 1 მტერ კლუბთან. ცუდად დაიწყო და ცუდად დასრულდა…
ბენიტესი „ლივერპულთან“ ასოცირდებოდა. ჩემპიონთა ლიგა მოიგო 2005 წელს და ბუნებრივია, „ევერტონის“ ფანების უმრავლესობა ცუდად შეხვდა მის დანიშვნას. მით უმეტეს, ახსოვდათ ესპანელის ძველი გამონათქვამი – როცა „ევერტონი“ პატარა კლუბად მოიხსენია.
საქმეც ვერ აეწყო რაფას. ვერ დაალაგა სიტუაცია ვერც ხამეს როდრიგესთან, ვერც ლუკა დინთან და კლუბმა ორივე გაყიდა.
„ევერტონი“ ახლა პრემიერლიგაში მე-15 ადგილზეა და გასავარდნი ზონიდან მხოლოდ 6 ქულითაა დაშორებული.
და ვინ შეცვლის რაფას? N 1 კანდიდატი მისივე თანაშემწე დანკან ფერგიუსონია – გუნდის ყოფილი ცენტრფორვარდი.
