16 დეკემბერს შვეიცარიის ქალაქ ნიონში უეფას ერთა ლიგის წილისყრა გაიმართება. ეს რიგით მესამე ერთა ლიგაა. სულ 4 დივიზიონია და საქართველოს ნაკრები რანგით მესამეშია – C. ამ დივიზიონში, ისევე როგორც A და B-ში, 16 გუნდია. 4 ოთხგუნდიანი ჯგუფი იქნება და ჯგუფების გამარჯვებულები ნახევარფინალებში შეხვდებიან ერთმანეთს. ამავდროულად, ეს ოთხი გუნდი მომდევნო ერთა ლიგაში ზედა დივიზიონში აიწევს, ამ შემთხვევაში B-ში.

საქართველო C დივიზიონის მესამე კალათაშია. მოკლედ, კალათები ცნობილია და წარმოგიდგენთ:

პირველი: თურქეთი, სლოვაკეთი, ბულგარეთი, ჩრდილოეთ ირლანდია

მეორე: საბერძნეთი, ბელარუსი, ლუქსემბურგი, მაკედონია

მესამე: ლიეტუვა, საქართველო, აზერბაიჯანი, კოსოვო

მეოთხე: ფარერები, გიბრალტარი, ყაზახეთი ან მოლდოვა, კვიპროსი ან ესტონეთი

(შეგიძლიათ წარმოიდგინოთ საქართველოსთვის ყველაზე სასურველი ჯგუფი: ჩრდილოეთ ირლანდია, ბელარუსი, საქართველო, გიბრალტარი)

ერთა ლიგის ჯგუფის მატჩების კალენდარი (ყველა მატჩი 2022 წელს გაიმართება):

პირველი ტური: 2-4 ივნისი

მეორე ტური: 5-8 ივნისი

მესამე ტური: 8-11 ივნისი

მეოთხე ტური: 12-14 ივნისი

მეხუთე ტური: 22-24 სექტემბერი

მეექვსე ტური: 25-27 სექტემბერი

See the source imageფლეი-ოფები, ანუ ნახევარფინალები და ფინალი მოგვიანებით იქნება.

16 დეკემბრის წილისყრა ჩვენი დროით 21.00 საათზე დაიწყება და „სილქ უნივერსალი“ გადასცემს.

და ევრო-2024 ?

როგორც იცით, გერმანიაში გაიმართება. შესარჩევის წილისყრა 2022 წლის 9 ოქტომბერს ჩატარდება ფრანკფურტში, თამაშები კი 2023 წლის მარტიდან ნოემბრიდან იქნება.

ევროპის 2024 წლის ჩემპიონატზე მოხვედრა გარკვეულწილად ერთა ლიგიდანაც იქნება შესაძლებელი, მაგრამ საამისოდ C დივიზიონის მოგება იქნება საჭირო – როგორც წინა ევროპაზე გასასვლელ გზაზე იყო, საქართველომ ჯერ იმ ჯგუფში უნდა იმარჯვოს, რომლის წილისყრაც 16-ში, ნიონში გაიმართება.

 

 

 

 

წილი
წინა სტატიაინტერი ერიკსენს გაათავისუფლებს
შემდეგი სტატიაპრემიერ-პანდემია
ილია ნანობაშვილი
კახელის კვალობაზეც კი გასაოცარი სიდინჯის პატრონის მთავარი ზვარი ქართული ფეხბურთია, მაგრამ, ყოველი შემთხვევისთვის, მისი თანდასწრებით „ვალენსიასა“ და ბრაზილიის ნაკრების აუგად ხსენებასაც არ გირჩევთ

დაკავშირებული სტატიებიმეტი ავტორი