No description available.საფრანგეთის მეორე ელიტურ სარაგბო ლიგა პრო დ2-ში მე-13 ტური გაიმართა, რომელიც თავისი დაძაბულობით აშკარად გამორჩეული გამოვიდა. რვიდან ორი შეხვედრა ფრედ დასრულდა, ხოლო ბონუსის მონადირება მხოლოდ ლიდერმა „მონ-დე-მარსანმა“ მოახერხა, რომელმაც „პროვანსს“ 32:15 აჯობა.

ამ ლიგისადმი ჩვენი ინტერესი კი მასში მოასპარეზე ქართველების სიმრავლით აიხსნება, თუმცა, გასულ ტურში ქართული ლეგიონი ერთობ მოკრძალებული იყო – ხუთშაბათსა და პარასკევს მხოლოდ 12-მა ჩვენებურმა ითამაშა.

თორნიკე მატარაძის „ნევერმა“ რუანში 23:10 იმარჯვა და ქართველმა ბურჯმა პირველიდან 61-ე წუთამდე ითამაშა.

„ბეზიე“ „კარკასონს“ ეწვია და 18:24 წააგო. ბეზიელთა მარქაფიდან 61-ე წუთზე თამაშში გიორგი ახალაძე და ჟორჟი სალდაძე ჩაერთნენ.

„ოიონაქსმა“ „ორიაკი“ 32:15 დაამარცხა და ბონუსი სტუმართა ბოლო შეტევაში დაკარგა.მასპინძელთა შორის თავისთვის უჩვეულო პოზიციაზე – მარცხენა ბურჯად კვლავ ითამაშა ირაკლი მირცხულავამ (56-ე წუთიდან), ორიაკელებში კი ქართველების მთელი ჯგუფი იყო.

No description available.ლუკა ნიორაძე და გიორგი გოგოლაძე სასტარტო შემადგენლობაში იყვნენ და თუ პირველმა 50 წუთი ითამაშა, მეორემ მატჩი გარემარბის პოზიციაზე შეუცვლელად ჩაატარა. გიორგი ჯავახია შეხვედრაში 50-ეზე ჩაერთო, ხოლო მიხეილ ალანია 59-ეზე.

„ბრესანმა“ შინ „ბაიონთან“ 3:24 წააგო. მასპინძელთა შორის საწყისი 53 წუთი ვაჟა კაპანაძემ ითამაშა, ხოლო ბაიონელი კონსტანტინე მიქაუტაძე პირველ ტაიმში, 38-ე წუთზე შეცვალეს.

„მონტობანი“ უქართველებოდ მოასპარეზე „გრენობლს“ დაუზავდა (25:25) და მის შემადგენლობაში დასკვნითი 13 წუთი მირიან ბურდულმა ითამაშა.

დაბოლოს, „აჟენმა“ ერთ-ერთ ლიდერ „ კოლომიეს“ უმასპინძლა და 18:8 დაამარცხა. აჟენელებში 80-ვე წუთი ძალიან მაგრად ითამაშა ბორჯღალოსანმა გრიგორ ქერდიყოშვილმა.