2022 წელს ყატარში გასამართ მსოფლიო ჩემპიონატზე ახალ ტექნოლოგიას გამოიყენებენ, რომელიც ავტომატურად დააფიქსირებს თამაშგარე მდგომარეობას. კომპანია Hawk-Eye-მ სისტემაზე მუშაობა უკვე დაასრულა და გამოყენებისთვის მზადაა.
სისტემა თამაშგარე მდგომარეობას ავტომატურად ადგენს და სიგნალს ვიდეორეფერის (VAR), უგზავნის, რომელიც გადაწყვიტავს, რამდენად ზემოქმედებს თამაშგარე მდგომარეობაში აღმოჩენილი ფეხბურთელი სათამაშო ეპიზოდზე და უნდა გაგრძელდეს თუ არა თამაში.
ფიფა აპირებს, ტექნოლოგიაზე გაწეულ სამუშაოსთან დაკავშირებით ბოლო ინფორმაცია საფეხბურთო ასოციაციების საერთაშორისო საბჭოს კომისიას (IFAB) მიაწოდოს, რომელიც თამაშში ახალი წესების შემოღებას ადგენს.
