მესი vs ლაიფციგი – სარბიელი

ლეო მესიმ ორი გოლი გაიტანა, რისი წყალობითაც „პარი სენ ჟერმენმა’ „ლაიფციგს“ 3:2 მოუგო, თან 1:2-ს აგებდა.

მართალია, ანგარიში კილიან მბაპემ გახსსნა, მაგრამ გერმანული გუნდის ფეხბურთელებმა ანდრე სილვამ და ნორდი მუკიელემ შესვენებამდე და შესვენების შემდეგ გატანილი გოლებით „ლაიფციგი“ დააწინაურეს.

მესიმ ანგარიში 67-ე წუთზე გაათანაბრა, შვიდი წუთის შემდეგ კი პენალტით გამარჯვების გოლი შეაგდო.

მბაპეს კიდევ შეეძლო გოლის გატანა, როდესაც მესიმ ჰეთ-თრიკზე უარი თქვა და პენალტის დარტყმა ახალგაზრდა თანაგუნდელს დაუთმო, მაგრამ ფრანგმა მიზანს ვერ მიაღწია.

ამ გამარჯვების წყალობით „პარი სენ ჟერმენი“ A ჯგუფში 7 ქულით პირველ ადგილზეა. იმავე ჯგუფში, „მანჩესტერ სიტიმ“ სტუმრად იოლად სძლია „ბრიუგეს“ 5:1 და 6 ქულით მეორეზეა. 4 ქულით მესამე პოზიციაზეა ბელგიური გუნდი, ბოლოზე კი უქულო „ლაიფციგია“ დარჩენილი.

ქვემოთ გთავაზობთ ლეო მესის ეპიზოდებისა და გოლების ვიდეოს.