გამომძიებელ ჟურნალისტთა საერთაშორისო კონსორციუმმა გამოაქვეყნა ე.წ. „პანდორას დოსიე“. მასში ფიგურირებენ პოლიტიკოსები და სხვადასხვა სფეროს ვარსკვლავები, რომლებმაც ფარულ ანგარიშებზე გადარიცხვით დამალეს რეალური შემოსავალი.
„პანდორას დოსიეში“ მოხვდა „მანჩესტერ სიტის“ მთავარი მწვრთნელი ხოსეპ გვარდიოლა. მან, თურმე, ანდორას ბანკის მომსახურებით ისარგებლა და ესპანურ საგადასახადო სისტემას ნახევარი მილიონი ევრო დაუმალა.
ეს იმ ფულის ნაწილია, რომელიც გვარდიოლამ ყატარულ „ალ-აჰლიში“ 2003-2005 წლებში თამაშისას მიიღო.
ესპანური სამართალდამცავი სისტემა ავტორიტეტებს არ ცნობს და გვარდიოლას სერიოზული თავისტკივილი გარანტირებული აქვს.
