მიუნხენელებმა ეს ტიტული მეცხრედ იზეიმეს.
„ბაიერნმა“ ქვეყნის სუპერთასის მატჩში უპრინციპულეს მეტოქე „დორტმუნდს“ 3:1 მოუგო.
პირველი და ბოლო გოლი რობერტ ლევანდოვსკის ანგარიშზეა, კიდევ ერთი კი აქტივში თომას მიულერმა ჩაიწერა. დორტმუნდელთაგან ერთადერთი საპასუხო მარკო როისმა გაიტანა.
მეცხრე სუპერთასი გერმანიის რეკორდია, თუმც ეს შეხვედრა სხვა მხრივაც იყო გამორჩეული – მიუნხენელთა მთავარმა მწვრთნელმა იულიან ნაგელსმანმა კარიერაში პირველი ტიტული მოიპოვა. მეტიც: ეს მისი პირველი გამარჯვება იყო „ბაიერნის“ მთავარი მწვრთნელის რანგში.
აქამდე ერთადერთი ოფიციალური შეხვედრა გერმანიის ბუნდესლიგისა იყო და „ბაიერნმა“ სტუმრად „გლადბახთან“ ფრედ (1:1) ითამაშა.
