See the source imageტორონტოში მიმდინარე მასტერსზე ნიკოლოზ ბასილაშვილს (41-ე რეიტინგში) საათიც არ დასჭირვებია ავსტრალიელი ალექს დე მინაურის (18) დასამარცხებლად – 6:1; 6:1.

ასე მოთამაშე ბასილაშვილი დიდი ხანია არ გვინახავს. ნიკოლოზი მთელი მატჩის განმავლობაში აკონტროლებდა სიტუაციას და მეტოქე უშანსოდ დატოვა.

მართალია, მინაურს ხუთი ბრეკ პოინტი ჰქონდა, მაგრამ ვერც ერთი ვერ გამოიყენა. ნიკამ კი, ექვსიდან ხუთი ბრეკ პოინტი მიითვალა.

პირველ სეტში ჩვენებური 5:0 დაწინაურდა და ქულა მხოლოდ ამის შემდეგ დათმო. მეორე სეტში პირველი ქულა მინაურმა აიღო და მერე უკვე ბასილაშვილი აგროვებდა.

მერვედფინალში ბასილაშვილის მეტოქე პოლონელი ჰუბერტ ჰურკაჩი იქნება.