დაასვენეთ ეს ბიჭი!

ოლიმპიადის საფეხბურთო ტურნირის ფინალში ესპანელთა შემადგენლობაში გამოვიდა „ბარსელონას“ ნახევარმცველი პედრი.

ეს მისთვის 73-ე (!) შეხვედრა იყო 2020-2021 წლების სეზონში. „ბარსაში“ მისი 52 მატჩი ასე განაწილდა: ლა ლიგა – 37, ჩემპიონთა ლიგა – 7, ესპანეთის თასი – 6, ესპანეთის სუპერთასი – 2.

ამას გარდა პედრიმ დაიცვა ეროვნული (10 მატჩი), ოლიმპიური (7) და ახალგზრდული (4) ნაკრებების ღირსება.

და ეს ყველაფერი გასული წლის 3 სექტემბრის შემდეგ, ანუ საშუალოდ 4,5 დღეში ერთხელ. უახლოესი შეხვედრა კი „ბარსელონას“ ლა ლიგაში უკვე 15 აგვისტოს უწევს (პედრის ალბათ დაასვენებენ).

ფანტასტიკაა! შარშან პედრის სატრანსფერო ფასი 7,2 მილიონი იყო. დღეს 80 მილიონია.