როგორც იაპონური სააგენტოები იუწყებიან, გასული დღე-ღამის განმავლობაში 29 ადამიანი დავირუსდა იმათგან, ვინც ასე თუ ისე ჩართულია ოლიმპიადაში.
ეს თამაშების დაწყებიდან ყველაზე მაღალი მაჩვენებელია. ორშაბათს ვირუსი აღმოუჩინეს საბერძნეთის სინქრონული ცურვის გუნდის წევრს. მოგვიანებით დადებითი ტესტი მისმა კიდევ ოთხმა თანაგუნდელმა ჩააბარა.
„კოვიდის გავრცელების წყარო საბერნეთის გუნდშია. 5 სპორტსმენი და მათთან კონტაქტში მყოფნი კოვიდ-სასტუმროში გადავიყვანეთ“, – თქვა ორგკომიტეტის წარმომადგენელმა. ბუნებრივია, ბერძენი სინქრონულად მოცურავენი თამაშებს მიღმა დარჩნენ. ჯერჯერობით მხოლოდ ისინი.
