ევროპის ჩემპიონატის ფინალის წინა დღით ერთ-ერთმა შოტლანდიურმა გაზეთმა პირველ გვერდზე რობერტო მანჩინი „მამაცი გულის“ გმირი უილიამ უოლესის საჭურვლით ასახა და ტექსტი დაურთო:„რობერტო, გვიხსენი. ჩვენ კიდევ 55 წელი ვერ ავიტანთ (იგულისხმება 1966 წელს ინგლისის მსოფლიო ჩემპიონობა და ამით მათი ყელყელაობა)“.
ნამატჩევს იმავე გაზეთმა მანჩინის დაჯილდოება – შოტლანდიის საპატიო მოქალაქის ტიტულის მინიჭება მოითხოვა. ფოტოზე მანჩინი იმ ნომერს ათვალიერებს, უილიამ უოლესი რომ იყო.
