გერმანიის ფეხბურთის კავშირმა მიუნხენის „ბაიერნის“ აწ უკვე ყოფილ მწვრთნელ ჰანს-დიტერ ფლიკთან 2024 წლამდე გააფორმა კონტრაქტი.

56 წლის ფლიკი გერმანიის ეროვნულ გუნდს ევროპის ჩემპიონატის შემდეგ ჩაიბარებს. გერმანელთა მომავალი მწვრთნელი 2006-14 წლებში გუნდის ამჟამინდელი თავკაცის, იოაჰიმ ლიოვის თანაშემწე იყო და, შესაბამისად, მსოფლიოს 2014 წლის ჩემპიონატის ტრიუმფატორიც გახლავთ.

თავად ლიოვი კი, ევრო 2020-ის დასრულების შემდეგ გერმანიის ნაკრების თავკაცის პოსტს დატოვებს. გერმანელები ევროპის მომავალ ჩემპიონატზე ჯგუფში საფრანგეთთან, პორტუგალიასთან და უნგრეთთან ერთად ითამაშებენ.

ევროპირველობა 11 ივნისიდან 11 ივლისის ჩათვლით პირველად ისტორიაში კონტინენტის 11 ქვეყანაში გაიმართება.

 

Frisch gekürter Meister: Hansi Flick.