ნიკოლოზ ბასილაშვილმა მიუნხენის BMW Open-ის ფინალში. დღეს 29 წლის ქართველმა ჩოგბურთელმა ორი მატჩი მოიგო.
თავსხმა წვიმის გამო საქართველოს პირველ ჩოგანს გუშინდელი მოსაგები მატჩი სლოვაკ ნომბერტ გომბოსთან სადღეისოდ გადმოუტანეს. ბასილაშვილმა ორივე სეტის მეხუთე გეიმში ბრეიკი გააკეთა და 6:4, 6:4 იმარჯვა.
ჩვენებური ნახევარფინალში გავიდა, სადაც ნორვეგიელ კასპერ რუდის შეხვდა და ძალიან მარტივად, 6:1, 6:2 დაამარცხა. ჩოგბურთელები სულ 1.12 საათი იდგნენ კორტზე.
პირველ სეტში რუდი 1:0 დაწინაურდა, მაგრამ სულ ეს იყო – ბასილაშვილმა ზედიზედ ექვსი მოწოდება აიღო. ზედიზედ მოპოვებული სამი ქულით დაიწყო ბასილაშვილმა მეორე სეტიც და მატჩიც მალევე მიიყვანა ლოგიკურ დასასრულამდე.
ფინალი 2 მაისს, 16:30 წუთზე დაიწყება და ნიკოლოზ ბასილაშვილი მასპინძელ იან-ლენარდ შტრუფს შეხვდება.
ავტორის პროფილი
- ლეგენდის თანახმად, ამხანაგი ირკალი ნინიძე „სარბიელის“ ავტორია გასული საუკუნიდან, თუმცა ზუსტად რომელი წლიდანაა გადაჯაჭვული მისი ბედი „სარბიელთან“, ლეგენდა დუმს. რატომ დუმს ? იმიტომ, რომ ამხანაგ ნინიძეს არ უყვარს მოლაპარაკე ლეგენდები. მას უყვარს სპორტი, წერა და სპორტზე მარჯვედ წერა...
უახლესი პოსტები
მთავარი ამბავი25/06/2026 | 22:58ბოლქვაძე უიმბლდონის ძირითადშია
სიახლეები25/06/2026 | 01:10უიმბლდონზე ბოლქვაძე დაგვრჩა
მთავარი ამბავი21/06/2026 | 23:04საქართველო ლატვიაში გაფრინდა
სიახლეები19/06/2026 | 19:58ულან – ბატორი ჯერ უმედლოდ