თავისუფალი სტილით ჭიდაობაში ქართველი ოლიმპიური, მსოფლიოსა და ევროპის სამგზის ჩემპიონი ვლადიმერ ხინჩეგაშვილი ტოკიოს ოლიმპიადაზე ვერ იასპარეზებს.
ლადოს 6-9 მაისს სოფიაში სალიცენზიო ტურნირზე უნდა ეჭიდავა, მაგრამ კორონავირუსის ტესტზე დადებითი პასუხი მიიღო. ეს ავტომატურად ნიშნავს სოფიის ტურნირის და შესაბამისად, ტოკიოს ოლიმპიადის მიღმა დარჩენას.
„ყველაზე უადგილო მომენტი და ყველაფერი დასრულებულია“, – დაწერა ოლიმპიურმა ჩემპიონმა სოციალურ ქსელში. ადვილი გასაგებია ლადოს ფსიქოლოგიური მდგომარეობა.
30 წლის სპორტსმენისთვის ეს ეგებ ოლიმპიურ მწვერვალზე მეორედ ასვლის ბოლო შანსი იყო.
