„გოლდენ სტეიტის“ ვარსკვლავის, კლეი ტომპსონის მამამ, მაიკლ ტომპსონმა, სამი კალათბურთელი დაასახელა, რომელთა შეჩერებაც შეუძლებელია. გეტყვით იმასაც, რომ უფროსი ტომპსონი NBA-ს ორგზის ჩემპიონია.
გასაკვირი კი ის არის, რომ სიაში ვერ მოხვდა თვით მაიკლ ჯორდანი.
„NBA-ს ისტორიაში შეუჩერებელ კალათბურთელთა შორის მესამე ადგილზე ლებრონ ჯეიმსს დავაყენებდი. პირველი და მეორე ადგილი? ეს უფრო მარტივია. ჩემთვის პირველი ქარიმ აბდულ-ჯაბარია, თავისი განუმეორებელი ნახევარკაუჭის სროლით. მეორე კი შაკილ ონილი და მისი „სლემ დანქები“, – დაწერა ტომპსონმა სოციალურ ქსელში.
გეტყვით იმასაც, NBA-ს ისტორიაში სულ სამი კალათბურთელია, რომელიც 30.000 ქულას ასცდა. აქედან ორი, უფროსმა ტომპსონმა შეუჩერებელთა შორის დააყენა. ჯაბარს კარიერაში 38.387 ქულა აქვს მოპოვებული, ხოლო ჯეიმსი ცოტა ხნის წინ ასცდა ამ ნიშნულს. მათ შორის კარლ მელოუნი (36.928) დგას, რომელიც ტომპსონს არ დაუსახელებია.
