პრემიერლიგის 24-ე ტურის შეხვედრაში „ლივერპულთან“ „ლესტერის“ ძირითად შემადგენლობაში კასპერ შმაიხელის გამოჩენა სულაც არ იყო რიგითი მოვლენა.
ზედიზედ 100 მატჩია, რაც გოლკიპერი პრემიერლიგაში შეუცვლელად თამაშობს. ეს კი ლიგის რეკორდია.
ამ 100-დან 32 მატჩში მან კარი მშრალად შეინახა. ბოლოს კასპერმა „ლესტერის“ მატჩი 2018 წლის 13 მაისს ტერფის ტრავმის გამო გამოტოვა. აქედან მოყოლებული, მისი დუბლიორი დენი უორდი უკვე 9 000 წუთია, უიმედოდ ხეხავს სათდარიგოთა სკამს.
34 წლის კასპერ შმაიხელი „ლესტერში“ 2011 წელს გამოჩნდა. სულ პეტერის ძემ „მელიების“ ღირსება 406 მატჩში დაიცვა და აქედან 132-ში ბადეს ბურთი არ გააკარა.
შმაიხელი გუნდთან ერთად პრემიერლიგის ჩემპიონი გახდა. სადღეისოდ მისი სატრანსფერო ფასი 8-10 მოლიონი ევროა.
Image result for kasper schmeichel
წილი
წინა სტატიაალმირონს არ ეპატია
შემდეგი სტატიაგუინდოგან über alles
გიორგი ნოზაძე
მას შეეძლო, დილის 11 საათისთვის გაზეთის ორი გვერდი მზად ჰქონოდა და გადაერეკა თანამშრომლებისთვის - ნუ შეწუხდებით, სამსახურში ნუღარ მოხვალთ, საქმე გაკეთებულია. ფეისბუკის ნამდვილი ფეისი. ის გახლავთ სოციალურ ქსელში "მოამბეც" და "ვრემიაც".